ເຈົ້າໜ້າທີ່ໜ່ວຍໄພພິບັດອິນໂດເນເຊຍລາຍງານວ່າ ມີຜູ້ເສຍຊີວິດ 24 ຄົນ ແລະສູນຫາຍ 26 ຄົນ ຫຼັງຈາກເກີນນໍ້າຖ້ວມກະທັນຫັນ ແລະ ດິນຖະຫຼົ່ມໃນແຂວງຊວາກາງຂອງອິນໂດເນເຊຍ.
ໂຄສົກສຳນັກງານຄວບຄຸມໄພພິບັດອິນໂດເນເຊຍກ່າວວ່າ ປະຊາຊົນຈຳນວນຫຼາຍທີ່ໄດ້ຮັບຄວາມເດືອດຮ້ອນຈາກພາວະອຸທົກກະໄພໄດ້ຮັບການອົບພະຍົມໄປຍັງພື້ນທີ່ສູງ ຂະນະທີ່ໄພພິບັດທາງທຳມະຍຊາດສົ່ງຜົນກະທົບໃນຫຼາຍພື້ນທີ່ ປະຊາຊົນຈຳນວນຫຼາຍຖືກດິນຖະຫຼົ່ມທັບເສຍຊີວິດທີ່ໝູ່ບ້ານກູເມເລັມໃນເຂດເຄບູນເມນ ໃນຊ່ວງທີ່ພວກເຂົາ ແລະ ຊາວບ້ານຊ່ວຍກັນທຳຄວາມສະອາດທ້ອງຖະໜົນຈາກກອງດິນທີ່ກະຈາຍເຕັມຈາກຖະຫຼົ່ມ ພາວະນໍ້າຖ້ວມຍັງສົ່ງຜົນກະທົບຕໍ່ການຄົ້ນຫາຜູ້ສູນຫາຍ ແລະ ການອົບພະຍົບປະຊາຊົນອອກຈາກພື້ນທີ່ປະສົບອຸທົກກະໄພ ນໍ້າຖ້ວມບ້ານເຮືອນຫຼາຍພັນຫຼັງ.