ເປັນໄປຕາມຄາດກັນເລີຍສຳລັບສະມາດໂຟນລາຄາປະຢັດຄື Honor 5A ທີ່ມີຜູ້ໃຫ້ຄວາມສົນໃຈກັນຫຼາຍສຳລັບລູກຄ້າໃນປະເທດຈີນ. ໂດຍລາຍງານນີ້ແມ່ນທາງບໍລິສັດເປັນຄົນເປີດເຜີຍອອກມາເອງວ່າໂທລະສັບລຸ້ນດັ່ງກ່າວໄດ້ຮັບການຈອງກັນຫຼາຍກວ່າ 11.79 ລ້ານເຄື່ອງ ໂດຍຜ່ານທາງໜ້າຮ້ານ, ເວັບໄຊ JD.com ແລະ QQ Wallet ນັບຕັ້ງແຕ່ມື້ເປີດໂຕມາຮອດມື້ວານນີ້ ຫຼືວັນທີ 16 ມິຖຸນາ. ສ່ວນໂຕເຄື່ອງນັ້ນແມ່ນເລີ່ມຈັດສົ່ງໃຫ້ຜູ້ຈອງໄປແລ້ວຕັ້ງແຕ່ຕອນເຊົ້າ 10:08 ຂອງມື້ນີ້. ສ່ວນລາຄາຂອງ Honor 5A ສຳລັບລຸ້ນ China Mobile ມີລາຄາຢູ່ທີ່ 699 ຢວນ (865.000 ກີບ), ສ່ວນລຸ້ນຮອງຮັບ Full Network ລາຄາຢູ່ທີ່ 799 ຢວນ (980.000 ກີບ).
ດ້ານສະເປັກຂອງ Honor 5A ກໍມີໜ້າຈໍ 5.5 ນິ້ວ, ຄວາມລະອຽດ HD, ໃຊ້ງານຊິບປະມວນຜົນອ໋ອກຕາຄໍ Snapdragon 617 ມາພ້ອມກັບ RAM 2GB ແລະ ພື້ນທີ່ຈັດເກັບ 16GB. ກ້ອງຫຼັງໃຫ້ມາ 13 ລ້ານພິກເຊວ ແລະກ້ອງໜ້າ 8 ລ້ານພິກເຊວ. ແບັດເຕີຣີ 3100mAh. ຖືໄດ້ວ່າເປັນສະມາດໂຟນລາຄາຖືກແຕ່ສະເປັກລະດັບ P9 lite ເລີຍກໍເວົ້າໄດ້
ທີ່ມາ:gizmochina