ພາຍຫຼັງເຫັນວ່າເມື່ອຝົນຕົກມາເວລາໃດຫຼາຍເສັ້ນທາງເກີດສະພາບນ້ຳຂັງຍ້ອນການລະບາຍນ້ຳບໍ່ດີ, ດັ່ງນັ້ນ ປັດຈຸບັນນີ້ ອົງການບໍລິຫານ ແລະ ພັດທະນາຕົວເມືອງ ນະຄອນຫຼວງວຽງຈັນ (ອພບ) ຈຶ່ງໄດ້ສຸມໃສ່ລ່ວງຮ່ອງລະບາຍນ້ຳຢູ່ຕາມສາຍທາງຕ່າງໆໃນຕົວເມືອງໃຫ້ມີຄວາມຮັບປະ ກັນ, ພ້ອມທັງເຮັດອະນາໄມຕາມສະຖານທີ່ສາທາລະນະ ແລະ ເຂດຊຸມຊົນຕ່າງໆ, ເພື່ອສ້າງຂະບວນການຂຳນັບຮັບຕ້ອນກອງປະຊຸມສຸດຍອດອາຊຽນ, ຊຶ່ງຈະຈັດຂຶ້ນໃນເດືອນຕຸລານີ້ເປັນຕົ້ນແມ່ນ: ເສັ້ນ ທາງ 450 ປີ, ສະໜາມບິນສາກົນວັດໄຕ, ຫໍປະຊຸມແຫ່ງຊາດ ແລະ ສະຖາທີ່ສຳຄັນອື່ນໆ.
ຮອງປະທານອົງການ ອພບ ໃຫ້ຮູ້ວ່າ: ເຊັ່ນດຽວກັນກັບທຸກໆປີຜ່ານມາພໍໃກ້ຈະຮອດລະດູຝົນ ອພບ ກໍຈະມີການອະນາໄມ ແລະ ລ່ວງຮ່ອງລະບາຍນ້ຳຕ່າງໆໃນຕົວເມືອງ ເພື່ອບໍ່ໃຫ້ເກີດນ້ຳຖ້ວມຂັງ
ແລະ ມາຮອດປັດຈຸບັນການອະນາໄມຮ່ອງລະບາຍນ້ຳດັ່ງກ່າວແມ່ນພວມເລັ່ງໃສ່ຖະໜົນສຸພານຸວົງ, ເສັ້ນທາງບ້ານສວນມອນ, ໂພນປາເປົ້າ ແລະ ເສັ້ນທາງທີ່ສຳຄັນອື່ນໆ, ຄາດວ່າຈະສຳເລັດ 100 % . ໃນທ້າຍເດືອນນີ້, ຮອງປະທານອົງການ ອພບ ໃຫ້ທັດສະນະວ່າ: ຢາກໃຫ້ການອະນາໄມຮ່ອງລະ ບາຍນ້ຳຕາມເສັ້ນທາງຕ່າງໆນັ້ນມີປະສິດພາບຕ້ອງໄດ້ເຮັດຢ່າງໜ້ອຍ 2 ຄັ້ງຕໍ່ປີກ່ອນ ແລະ ຫຼັງລະດູ ຝົນ, ຈຶ່ງຈະຮັບປະກັນໃຫ້ຮ່ອງລະບາຍນ້ຳດັ່ງກ່າວມີຄວາມສະອາດ ແລະ ສາມາດລະບາຍນ້ຳຝົນໄດ້ ຢ່າງວ່ອງໄວ,. ແຕ່ການປະຕິບັດໃນໄລຍະຜ່ານມາເຫັນວ່າຍັງມີປະສິດທິຜົນໜ້ອຍ, ຍ້ອນງົບປະມານບໍ່ພຽງພໍ.
ທີ່ມາ: http://laophatthananews.blogspot.com/