ຖືໄດ້ວ່າໂທລະສັບມຶຖືຈາກ Xiaomi ນັ້ນເປັນທີ່ນິຍົມກັນຫຼາຍໃນບັນດາແຟນໆຂອງ Xiaomi, ກໍເພາະວ່າທາງບໍລິສັດມັກຈະຈັດສະເປັກມາດີ, ງານປະກອບດີ ແລະລາຄາເອງກໍເປັນມິດເຊັ່ນດຽວກັນ. ໂດຍຫຼ້າສຸດນີ້ເອງ Lei Jun ໄດ້ປ່ອຍຂໍ້ມູນກ່ຽວກັບຍອດຈຳໜ່າຍລວມຂອງສະມາດໂຟນຊີຣີ Redmi ວ່າຫຼາຍກວ່າ 100 ລ້ານເຄື່ອງແລ້ວ (ປະມານ 108 ລ້ານເຄື່ອງ) ຖືວ່າເປັນໂຕເລກທີ່ໜ້າສົນໃຈເລີຍນັບຕັ້ງແຕ່ໂທລະສັບ Redmi ເປີດໂຕຄັ້ງທຳອິດຊ່ວງເດືອນ ກໍລະກົດ ປີ 2013!
ໂດຍສະມາດໂຟນຊີຣີ Redmi ນັບຕັ້ງແຕ່ລຸ້ນທຳອິດຈົນເຖິງປັດຈຸບັນມີທັງໝົດ 9 ລຸ້ນໄດ້ແກ່: Redmi, Redmi 2, Redmi 2A, Redmi 3, Redmi 3S, Redmi Note/Note Prime/Note 2/Note 3, (ບໍ່ລວມລຸ້ນ “Pro” ). ໂດຍແຕ່ລະລຸ້ນທີ່ກ່າວມານີ້ມີຍອດຈຳໜ່າຍປະມານ 12 ລ້ານເຄື່ອງເລີຍ.
ສິ່ງທີ່ໜ້າສົນໃຈຂອງຊີຣີ Redmi ແມ່ນເໝາະສຳລັບຄົນທີ່ມັກຫຼິ້ນໂທລະສັບທີ່ມີສະເປັກທີ່ໂຫດລະດັບກາງ-ສູງ ໃນລາຄາບໍ່ແພງຫຼາຍ, ທັງໝົດນີ້ Xiaomi ເຮັດອອກມາຕອບໂຈດເລີຍ. ເຖິງຈະໜ້າເສຍດາຍທີ່ບໍ່ມີໃຜນຳເຂົ້າມາຂາຍໃນປະເທດລາວເລີຍກໍຕາມ
ທີ່ມາ:gizmochina