​ເຈົ້າ​ນ້າ​ທີ່​ອິນ​ເດຍຖະ​ແຫຼ​ງວານນີ້​ວ່າ ​ເມື​ອງ​ໄຮ​ເດິຣາບາດ​ທີ່​ມີ​ປະຊາກອນ​ເກືອບ 7 ລ້ານ​ຄົນ​ທາງ​ພາກ​ໃຕ້​ຂອງ​ປະ​ເທດ​ໄດ້​ປະກາດ​ເຕືອນ​ພະວະ​ສຸກ​ເສີນ​ໂລກ​ໂປ​ລິ​ໂອ ພາຍຫຼັງ​ພົບ​ສາຍ​ພັນ​ອັນຕະລາຍ​ໃນ​ການ​ສຸ່ມ​ກວດ​ຕົວຢ່າງ​ນໍ້າ​ເປື້ອນ.

​ເຈົ້າ​ໜ້າ​ທີ່​ສາທາລະນະ​ສຸກ​ລະດັບ​ສູງ​ອິນ​ເດຍລະບຸ​ວ່າ ທາງ​ການ​ຈະ​ມີ​ໂຄງການ​ໃຫ້​ວັກ​ແຊັງ ພາຍຫຼັງ​ການ​ທົດ​ສອບ​ພົບ​ໄວ​ຣັສ​ໂປ​ລິ​ໂອ​ສາຍ​ພັນ​ວັກ​ແຊັງການພັນ​ໃນ​ຕົວຢ່າງ​ນໍ້າ​ເປື້ອນຂອງ​ເມື​ອງ​ໄຮ​ເດິ​ຣາບາດ ລັດ​ເຕລັງກາ​ນາ ​ເຈົ້າ​ໜ້າ​ທີ່​ກ່າວ​ວ່າ ມີ​ເດັກ​ປະມານ 350.000 ຄົນ​ອາຍຸ​ຕັ້ງ​ແຕ່ 6 ອາທິດ​ເຖິງ 3 ປີ ຈະ​ຕ້ອງ​ໄດ້​ຮັບ​ວັດ​ແຊັງ​ຕາມ​ໂຄງການ​ວັກ​ແຊັງ​ໂປລິ​ໂອ ຊຶ່ງ​ຈະ​ເລີ່​ມ​ໃນ​ວັນ​ຈັນ ການ​ປະກາດ​ເຝົ້າ​ລະວັງ​ໂລກ​ໂປ​ລິ​ໂອ​ມີ​ຂຶ້ນ​ໃນ 24 ​ເຂດ​ຂອງ​ເມືອງ​ໄຮ​ເດິ​ຣາບາດ ຊຶ່ງ​ລະບຸ​ວ່າ​ເປັນ​ພື້ນ​ທີ່​ສ່ຽງທີ່​ສຸດ.