ມືເຮັດລະເບີດຊາວອິນໂດເນເຊຍຊຶ່ງໄດ້ແຮງຈູງໃຈກຸ່ມລັດອິສລາມ (ໄອເອສ) ຖືກຕັດສິນມື້ນີ້ ໃຫ້ຕ້ອງໂທດຈຳຄຸກ 5 ປີ ຖານວາງແຜນລະເບີດວັດພຸດເທິງເກາະຊະວາ.
ສານຕັດສິນວ່າ ທ້າວ ອິບັດ ໄດ້ຮັບເງິນທຶນສະໜັບສະໜູນ ແລະ ການຝຶກໂຈມຕີຈາກທ້າວ ບາຮັມ ນາອິມ ສະມາຊິກກຸ່ມຫົວຮຸນແຮງທີ່ກ່ຽວຂ້ອງກັບເຫດລະເບີດຂ້າຕົວຕາຍໃນນະຄອນຫຼວງຈາກາຕາເມື່ອເດືອນມັງກອນ ຊຶ່ງມີຜູ້ເສຍຊີວິດ 8 ຄົນ ສ່ວນອີກ 3 ຄົນ ຄື ທ້າວ ຊູກີ ຢັນໂຕ ທ້າວ ຊາອີຟອຸດດິນ ແລະ ທ້າວ ຢຸສ ຄາມານ ມີຄວາມຜິດໃນຂໍ້ຫາກໍ່ການຮ້າຍເຊັ່ນກັນ ສານຈາກາຕາຕັດສິນຈຳຄຸກ 4 ປີ 8 ເດືອນ ຈາກເຫດການວາງແຜນລະເບີດແຕ່ບໍ່ສຳເລັດ ຕຳຫຼວດອິນໂດເນເຊຍຄາດວ່າ ມີຊາວອິນໂດເນເຊຍຫຼາຍຮ້ອຍຄົນເດີນທາງໄປຊີເຣຍເພື່ອເຂົ້າຮ່ວມກຸ່ມຕິດອາວຸດ ແລະ ກຸ່ມໄອເອສ.