spot_img
Homeຂ່າວພາຍ​ໃນຄ່າເງິນປອນສ້າງສະຖິຕິຕໍ່າສຸດໃນຮອບ 2 ເດືອນ

ຄ່າເງິນປອນສ້າງສະຖິຕິຕໍ່າສຸດໃນຮອບ 2 ເດືອນ

Published on

ຄ່າເງິນປອນສ້າງສະຖິຕິຕໍ່າສຸດໃນຮອບ 2 ເດືອນໃນການຊື້ຂາຍຂອງຕະຫຼາດອາຊີໃນວັນທີ 13 ມິຖຸນາທີ່ ຜ່ານມາ ຂະນະທີ່ເງິນເອີໂຣຢູ່ຕະຫຼາດເອີຣົບອ່ອນຕົວທີ່ສຸດໃນຮອບ 3 ປີເມື່ອທຽບກັບເງິນເຢນ ສະທ້ອນນັກລົງທຶນ ຢ້ານວ່າອັງກິດຈະອອກຈາກສະພາບເອີຣົບໃນການລົງປະຊາມະຕິໃນວັນທີ 23 ມິຖຸນານີ້.

ຕາມຂ່າວຕ່າງປະເທດລາຍງານວ່າ ສະກຸນເງິນປອນປິດຕະຫຼາດຊື້ຂາຍໃນອາຊີໃນວັນທີ 13 ມິຖຸນາທີ່ ຜ່ານມາ ປັບຕົວຫຼຸດລົງ 0,5% ຢູ່ທີ່ 1,420 ໂດລາສະຫະລັດ ແຕ່ໃນໄລຍະໜຶ່ງຂອງການຊື້ຂາຍຫຼຸດລົງໄປເຖິງ 1,411 ໂດລາຖືເປັນສະຖິຕໍ່າສຸດໃນຮອບເກືອບ 8 ອາທິດ ຂະນະທີ່ເມື່ອປຽບທຽບກັບເງິນເຢນຕົກລົງໄປເຖິງ 149,50 ເຢນ ໃນໄລຍະໜຶ່ງຂອງການຊື້ຂາຍໃນວັນທີ 13 ມິຖຸນາ ກ່ອນເພີ່ມຂຶ້ນເລັກນ້ອຍມາປິດຕະຫຼາດຢູ່ທີ່ 150,8 ເຢນ ແຕ່ຄ່າເງິນເອີໂຣເມື່ອປຽບທຽບກັບເງິນເຢນໃນຕະຫຼາດເອີຣົບອ່ອນລົງເຫຼືອພຽງ 119 ເຢນເທົ່ານັ້ນ ຖືເປັນລະດັບຕໍ່າສຸດນັບຕັ້ງແຕ່ເດືອນກຸມພາປີ 2013.

ທັງນີ້ ແຄປິຕອລ ອີຄໍນໍມິກ ໜຶ່ງໃນບໍລິສັດວິໄຈ ແລະ ໃຫ້ຄຳປຶກສາດ້ານເສດຖະກິດ ແລະ ການລົງ ທຶນຊື່ດັງຂອງອັງກິດວິເຄາະສະຖານະການທີ່ເກີດຂຶ້ນວ່າ ຖືເປັນດັດຊະນີຄວາມຜັນຜວນໃນລະດັບ ແປປວນທີ່ສຸດນັບ ຕັ້ງແຕ່ໄລຍະວິກິດການເງິນໂລກປີ 2008 ເຖິງແມ່ນວ່າຍັງຄາດຄະເນໄດ້ຍາກວ່າຜົນການລົງປະຊາມະຕິໃນວັນທີ 23 ມິຖຸນານີ້ຈະອອກມາໃນທິດທາງໃດ ຊຶ່ງຈະສົ່ງຜົນກະທົບຕໍ່ສະຖຽນລະພາບຂອງໂຄງສ້າງຕະຫຼາດການເງິນໂລກ.

ທີ່ມາ: ເສດຖະກິດ-ສັງຄົມ

ບົດຄວາມຫຼ້າສຸດ

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...