ທ່ານ ສະເຕຟານ ເລີຟອລ ໂຄສົກລັດຖະບານຝຣັ່ງໃຫ້ສຳພາດສະຖານີວິທະຍຸເຕແອລວານນີ້ວ່າ ເຫດສັງຫານນາຍຕຳຫຼວດລະດັບສູງ ແລະແຟນຍິງເມື່ອຄໍ່າວັນຈັນໜ້າເຮືອນພັກຂອງເຂົາໃຫ້ນະຄອນຫຼວງປາຣີຖືເປັນການກໍ່ການຮ້າຍ ຂະນະທີ່ຜູ້ນຳຝຣັ່ງຮຽກປະຊຸມສຸກເສີນຮ່ວມກັບເຈົ້າໜ້າທີ່ລະດັບສູງ.

ຄົນຮ້າຍໃຊ້ມີແທງຜູ້ບັນຊາການຕຳຫຼວດຈົນເສຍຊີວິດທີ່ໜ້າເຮືອນພັກຊານນະຄອນຫຼວງປາຣີ ແລະ ພົບສົບແຟນຂອງລາວເສຍຊີວິດພາຍໃນເຮືອນ ຕໍ່ມາກຸ່ມຕິດອາວຸດລັດອິສລາມ (ໄອເອສ) ອ້າງວ່າຢູ່ເບື້ອງຫຼັງການກໍ່ເຫດ ປະທານາທິບໍດີຟຣອງຊົວ ໂອລລອງຈັດປະຊຸມສຸກເສີນກັບເຈົ້າໜ້າທີ່ອາວຸໂສພາຍຫຼັງຈາກເຫດຄົນຮ້າຍໃຊ້ມີແທງນາຍຕຳຫຼວດລະດັບສູງເສຍຊີວິດຢ່າງອຸກອາດທີ່ໜ້າເຮືອນພັກ ສ່ວນລູກຊາຍໄວ 3 ປີບໍ່ໄດ້ຮັບອັນຕະລາຍ ໂດຍມີນາຍົດລັດຖະມົນຕີມານູເອລ ວາລສໍ, ທ່ານ ແບກນາ ກາຊເນິຟ ລັດຖະມົນຕີປ້ອງກັນຄວາມສະຫງົບ ແລະ ທ່ານ ນອງ-ນາກສ ອູວົວ ລັດຖະມົນຕີຍຸຕິທຳຮ່ວມຫາລືທີ່ທຳນຽບປະທານາທິບໍດີຝຣັ່ງໃນເຂົ້າວານນີ້ຕາມເວລາທ້ອງຖິ່ນ.