ຫົວຂໍ້ ຄວາມຮັກ ກັບ ເຊັກສ໌ ວັນນີ້ເຮົາຈະມາເວົ້າກ່ຽວກັບຄຳຖາມທີ່ຫຼາຍໆຄົນຢາກຮູ້ຄື ການມີເຊັກສ໌ ທຸກວັນຈະເປັນອັນຕະລາຍຕໍ່ສຸຂະພາບບໍ່ ແລະ ຄວາມຖີ່ຂອງການທີເຊັກສ໌ທີ່ເໝາະສົມ ເຮົາເລີຍມີຄຳຕອບມາບອກກັນເຊິ່ງຈະເປັນແນວໃດນັ້ນເຮົາມາອ່ານກັນເລີຍ

ຕ້ອງບອກວ່າການມີເຊັກສ໌ທຸກວັນນັ້ນບໍ່ຜິດປົກກະຕິ ຖ້າຄິດວ່າໄຫວເຮັດທຸກວັນໄດ້ກໍ່ບໍ່ເຮັດ ຖືເປັນການອອກກຳລັງກາຍໄດ້ເໝືອນກັນ ແຕ່ເຖິງຢ່າງໃດກໍ່ຕ້ອງດູແລສຸຂະພາບຕົວເອງຮ່ວມນຳ ຢ່າຫັກໂຫມກັບການມີເຊັກຫຼາຍເກີນໄປ ເພາະມັນກໍ່ຈະບໍ່ສົ່ງຜົນດີຕໍ່ຮ່າງກາຍໄດ້ເຊັ່ນກັນ ເຮັດດ້າມມື້ລະ 1-3 ຄັ້ງກໍ່ພໍແລ້ວ ເພາະການມີເຊັກສ໌ກໍ່ເໝືອນກັບການອອກແຮງງານເມື່ອອອກແຮງຫຼາຍກໍ່ເສຍນ້ຳເສຍເຫື່ອຫຼາຍ ບາງຄູ່ເຮັດ ມື້ລະ 5-10 ຄັ້ງ ອັນນີ້ກໍ່ເຮັດໃຫ້ຮ່າງກາຍອ່ອນເພຍ ຖ້າຈະມີເຊັກສ໌ທຸກວັນແລະ ຈະບໍ່ກະທົບຕໍ່ສຸຂະພາບຢ່າງໜ້ອຍກໍ່ໃຫ້ໄດ້ນອນພັກວັນໜຶ່ງ 6-8 ຊົ່ວໂມງ ນອກຈາກການພັກຜ່ອນເຕັມທີ່ແລ້ວຕ້ອງກິນອາຫານທີ່ເປັນປະໂຫຍດເຊັ່ນ: ໝວດໂປຣຕິນ, ຜັກສົດ, ນົມສົດ ແລະ ດື່ມນ້ຳໃຫ້ຫຼາຍໆ ແລະ ງົດການດື່ມແອລກໍຮໍ ກັບ ສູບຢາໃນປະລິມານຫຼາຍ ເລື່ອງຢ່າງວ່າມັນຕ້ອງໄດ້ໃຊ້ພະລັງງານໜັກ ແລະ ຫຼັງການມີເພດສຳພັນທຸກຄັ້ງເພດຍິງຄວນລ້າງເຮັດຄວາມສະອາດ ແລະ ທີ່ສຳຄັນເມື່ອຫາກເກີດມີສິ່ງຜິດປົກກະຕິຫໍ່ຄວນໄປພົບແພດທັນທີ

ສຳລັບຄົນທີ່ເພິ່ງຄົບຫາກັນໃໝ່ການມີເພດສຳພັນທຸກວັນວັນລະຫຼາຍຄັ້ງອາດເປັນເລື່ອງທີ່ຕື່ນເຕັ້ນໃນຕອນໃໝ່ໆ ແຕ່ອີກບໍ່ດົນຄວາມຕື່ນເຕັ້ນນັ້ນກໍ່ຈະໝົດໄປແລ້ວຄວາມຈຳເຈກໍ່ຈະເຂົ້າມາແທນທີ່ ເນັ້ນເລື່ອງຄຸນນະພາບດີກວ່າບໍ່ຕ້ອງເຮັດທຸກວັນອາທິດລະ 2-3ຄັ້ງກໍ່ໄດ້ ແຕ່ກໍ່ໃຫ້ເປັນເຊັກສ໌ທີ່ປະທັບໃຈແບບນີ້ຈະດີກວ່າ

ສຳລັບຄົນທີ່ຕ້ອງການມີລູກນ້ຳອະສຸຈິຂອງຝ່າຍຊາຍທີ່ຝັງຕົວຢູ່ໃນມົດລູກຂອງແມ່ຍິງຈະມີອາຍຸ 2-5 ວັນ ດັ່ງນັ້ນຄວາມຖີ່ຂອງການມີເພດສຳພັນທີ່ດີທີ່ສຸດສຳລັບຄົນຢາກມີລູກແມ່ນ 3 ຄັ້ງຕໍ່ອາທິດ

ທີ່ມາ: http://th.theasianparent.com/ ແລະ http://www.fhm.in.th/