Nokia ທີ່ຄັ້ງໜື່ງເຄີຍເປັນເຈົ້າແຫ່ງ ໂທລະສັບມືຖື. ບອກໄດ້ເລີຍວ່າ ໂດຍສະເພາະຍຸກ ຕົ້ນຂອງ ຊ່ວງປີ 2000 ໂນເກຍ ໄດ້ຄອງຕະຫຼາດ ແລະ ເປັນຜູ້ນ ໃນດ້ານການພັດທະນາ ມືຖື.
ປີ 2016 ກໍ່ຖືວ່າຄົບຮອບ 151 ຂອງໂນເກຍ, ຈິ່ງຂໍເອົາປະຫວັດຫຍໍ້ໆ ມາເລົ່າສູ່ຟັງ ເຮົາມາຍ້ອນເບິ່ງພາບໂນເກຍ ໃນຍຸກຕ່າງໆນຳກັນ.
1871: ນັກວິສະວະກອນ Fredrik Idestam ເປັນຜູ້ສ້າງ ບໍລິສັດ ທີ່ໃສ່ຊື່ວ່າ Nokia. ເປັນບໍລິສັດ ຜະລິດເຈ້ຍ, ຈາກນັ້ນກະຜະລິດຢາງ, ສາຍເຄເບີ້ນ ແລະ ເຄື່ອງອີເຣັກໂທນິກ.
1963: ໂນເກຍໄດ້ ເປີດຕົວ ໂທລະສັບ ເຄື້ອນວິທະຍຸ ທີ່ໃຊ້ສຳລັບ ກອງທັບ ແລະ ເຄື່ອງຊ່ວຍສຸກເສີນ.
1982: ໂນເກຍ ໄດ້ສ້າງ ໂທລະສັບ ສຳລັບລົດຄັ້ງທຳອິດ – the Mobira Sentor
1987: Mobira Cityman ໄດ້ ເປີດຕົວ ມືຖື ໜ່ວຍທຳອິດ ຊື່ວ່າ Gorba. ມີນ້ຳໜັກ 0.7 ກິໂລກະລາມ (ແບບວ່າເປັນອັນຍົກນ້ຳໜັກແບບເບົາໆ) ເຊິ່ງເບິ່ງຄືກັບ ມືຖືລຸ້ນ Brick ຂອງ ໂມໂຕໂລລາ .
1992: ໂນເກຍ ເປີດຕົວ ມືຖື GSM
1994: ເປີດຕົວ Nokia 2110 ທີ່ມາພ້ອມກັບສຽງເອີ້ນເຂົ້າ “Nokia Ringtone”.
1998: ໂນເກຍ ລຸ້ນ Nokia 5110 ທີ່ມາພ້ອມກັບ Xpress-on covers. ໂນເກຍລຸ້ນນີ້ ເປັນພື້ນຖານແກ່ ບັນດາບໍລິສັດ ຜະລິດ ອຸປະກອນເສີມຂອງມືຖື ແລະ ເຮັດໃຫ້ມືຖືມີີສີສັນຕ່າງໆ.
1999: Nokia 3210 ໄດ້ຖືກເປີດຕົວ ແລະ ຖືກຂາຍ 160 ລ້ານໜ່ວຍ ທົ່ວໂລກ. ອັນເຮັດໃຫ້ໂນເກຍ ກາຍເປັນ ອັນດັບ 1. ແລະ ຕາມມາດ້ວຍ Nokia 3310 ໃນປີ 2000. ເວົ້າຮອດ Nokia 3310 ຫຼາຍຄົນຄົງ ຈະມີອາດີດ ທີ່ປະທັບໃຈ ກັບໂທລະສັບລຸ່ນນີ້ແນ່ນອນ.
2002: ລະບົບມືຖື ແບບ 3G ໄດ້ຮັບການພັດທະນາ ອັນເປັນການພິກໂສມ ການນຳໃຊ້ມືຖືທົ່ວໂລກ. ມືຖືສາມາດ ເຂົ້າລະບົບ ອິນເຕີເນັດໄດ້.ໂນເກຍ ໄດ້ເປີດຕົວ Nokia 6650
2004: ໂນເກຍ ເປີດຕົວ Nokia Fashion Collection – the 7260, 7270 ແລະ 7280. ການປ່ຽນແປງຂອງໂລກແຫ່ງຄວາມສວຍງາມ ມີສະຕາຍ, ທັນສະໄໝ.ມືຖື ທີ່ສາມາດ ປິ່ນເບິ່ງຕາມທິດທາງ, ມີໜ້າຈໍ ທີ່ສະແດງຜົນທີ່ດີກວ່າເກົ່າ.
2005: ມືຖື N-series ທີເປັນ “smartphone” ທີ່ສາມາດຖ່າຍຮູບ, ຟັງເພງ ແລະ ຫຼິ້ນເກມ. ປະກອບມີ Nokia N70, N90 and N91. ສາມາດຂາຍໄດ້ 1 ຕື້ໜ່ວຍທົ່ວໂລກ.
2010: Stephen Elop (ex Microsoft) ກ້າວມາເປັນ CEO ຂອງ Nokia
2011: Stephen Elop ປະກາດການຮ່ວມມືກັບ Microsoft. ເປັນການວາງແຜນ ບໍ່ນຳໃຊ້ Symbian OS ແລະ ຈະມານຳໃຊ້ Window. ຈາກນັ້ນ ມືຖືລຸ້ນ Lumia ຈິ່ງເກີດຂຶ້ນມາ.
2014: Microsoft ຊື້ Nokia Devices and Services business ເປັນຈຳນວນເງິນ 7.2 ຕື້ ໂດລາສະຫະລັດ, ເຊິ່ງ Nokia ຍັງຄົງສືບຕໍ່ທຸລະກິດ.
2015: Taneli Armanto ວິສະວະກອນເກົ່າຂອງ Nokia ໄດ້ຮ່ວມືກັບ Rumilus Design ເປີດຕົວ Snake Rewind. ນີ້ເປັນການເປີດເກມໃໝ່ທີ່ໜ້າຕື່ນເຕັ້ນ.Snake ແມ່ນເປັນທີ່ນິຍົມ ແລະ ສາມາດໃຊ້ໄດ້ກັບລະບົບ Android, Windows Phone, ແລະ iOS.
ໂນເກຍ ໄດ້ຖືກ ຄ້າຍອື່ນຄື Apple, Samsung, Huawei ທີພັດທະນາ ມືຖື ແບບ ສຳພັດ ຢ່າງທັນສະໄໝ ແລະ ຍາດສ່ວນແບ່ງຕະຫຼາດ ສຳຄັນ ຂອງຜູ້ບໍລິໂພກໄປ. ເຮັດໃຫ້ ໂນເກຍ ທີ່ຂ້ອນຂ້າງປັບຕົວຊ້າ ເສຍໂອກາດ ແລະ ຕ້ອງຖືກຕີຖອຍ.
ຂອບໃຈພາບ ແລະ ຂໍ້ມູນຈາກ: http://www.tholasap.com/2016/06/nokia.html