ແພດຜູ້ຊ່ຽວຊານດ້ານພະຍາດມະເຮັງທົ່ວໂລກໄດ້ປະຊຸມປຶກສາຫາລືກັນຢູ່ອິນເດຍໃນທ້າຍອາທິດທີ່ຜ່ານມາວ່າ ຄົນເຈັບທີ່ເປັນພະຍາດມະເຮັງສ່ວນໃຫ່ຍຫຼາຍເຖິງ 60% ລ້ວນແຕ່ເປັນຄົນອາຊີ.
ນອກຈາກການແລກປ່ຽນຄວາມຮູ້ ໃນເລື່ອງພະຍາດມະເຮັງທີ່ພົບໃໝ່ໆກັນແລ້ວ ແພດເຫຼົ່ານັ້ນຍັງໄດ້ເປີດເຜີຍເຖິງອຸປະກອນໃນການຮັກສາພະຍາດມະເຮັງໃນລະຫວ່າງກອງປະຊຸມເປັນເວລາ 3 ມື້ ແພດທີ່ເຂົ້າຮ່ວມປະຊຸມມາຈາກ 38 ປະເທດ, ສະມາຄົມພະຍາດມະເຮັງຂອງສປ ຈີນ ກໍໄດ້ປະກາດວ່າ ເຮົາຈະນຳເອົາຄວາມກ້າວໜ້າຂອງຈີນໃນການຄົ້ນຄວ້າພະຍາດມະເຮັງໄປແບ່ງປັນໃຫ້ກັບປະເທດອາຊີ ແລະ ຈະປຶກສາຫາລືເພື່ອທີ່ຈະສະກັດກັ້ນພະຍາດມະເຮັງໃນຈີນ ຊຶ່ງເປັນປະເທດທີ່ມີຄົນເຈັບເປັນພະຍາດມະເຮັງຫຼາຍຄືກັນ.
ປີ 2012 ມີຈຳນວນຜູ້ເສຍຊີວິດຈາກພະຍາດມະເຮັງທົ່ວໂລກມີຈຳນວນ 8,2 ລ້ານຄົນ ນອກຈາກນີ້ ຍັງມີການຄາດຄະເນວ່າ ປີ 2030 ຈະມີຜູ້ເສຍຊີວິດຈາກພະຍາດມະເຮັງທົ່ວໂລກເພີ່ມຂຶ້ນເປັນຈຳນວນ 13 ລ້ານຄົນ(ຕາມຂ່າວຕ່າງປະເທດ).
ທີ່ມາ: ເສດຖະກິດ-ສັງຄົມ