Homeລວມກົດຫມາຍລາວກົດໝາຍໃນຂົງເຂດການປົກຄອງ ແລະຄຸ້ມຄອງລັດເຜີຍແຜ່ລັດຖະບັນຍັດປະທານປະເທດ ວ່າດ້ວຍອັດຕາຄ່າຊັບພະຍາກອນທໍາມະຊາດ ແລະ ຢັ້ງຢືນການສົ່ງອອກແຮ່ທາດ

ເຜີຍແຜ່ລັດຖະບັນຍັດປະທານປະເທດ ວ່າດ້ວຍອັດຕາຄ່າຊັບພະຍາກອນທໍາມະຊາດ ແລະ ຢັ້ງຢືນການສົ່ງອອກແຮ່ທາດ

Published on

ຫ້ອງການຊັບສິນຂອງລັດ ກະຊວງການເງິນ ຮ່ວມກັບຫ້ອງການຊັບສິນຂອງລັດ ພະແນກການເງິນນະຄອນຫຼວງວຽງຈັນ ໄດ້ຈັດກອງປະຊຸມເຜີຍແຜ່ລັດຖະບັນຍັດຂອງປະທານປະເທດ ວ່າດ້ວຍອັດຕາຄ່າຊັບພະຍາກອນທໍາມະຊາດ ແລະ ສະເໜີຢັ້ງຢຶນການສົ່ງອອກແຮ່ທາດ ປຶ້ມຄູ່ມືກວດກາຂຶ້ນເມື່ອວັນທີ 09 ມີຖຸນາ 2016 ທີ່ນະຄອນຫຼວງວຽງຈັນ ໂດຍການເປັນປະທານຂອງທ່ານ ບຸນໂຈມ ອຸບົນປະເສີດ ຮອງລັດຖະມົນຕີກະຊວງການເງິນ ມີຫົວໜ້າກົມຈາກກະຊວງອ້ອມຂ້າງສູນກາງ ຄະນະພະແນກການເງິນນະຄອນຫຼວງວຽງຈັນ ຫ້ອງການຊັບສິນ ແລະ ໜ່ວຍງານຄຸ້ມຄອງຊັບສິນຂອງລັດ 9 ໂຕເມືອງໃນນະຄອນວຽງຈັນ ແລະ ພະນັກງານວິຊາການເຂົ້າຮ່ວມ.

ທ່ານຮອງລັດຖະມົນຕີກະຊວງການເງິນ ໄດ້ກ່າວວ່າ ມະຕິກອງປະຊຸມໃຫຽ່ ຄັ້ງທີ X ຂອງພັກ ໄດ້ວາງຄາດໝາຍສູ້ຊົນຮອດປີ 2020 ຕ້ອງແກ້ໄຂຄວາມທຸກຍາກຂອງປະຊາຊົນໃຫ້ໄດ້ຢ່າງທົ່ວເຖິງ ສູ້ຊົນພັດທະນາປະເທດຊາດໃຫ້ຫຼຸດພົ້ນອອກຈາກສະຖານະພາບດ້ອຍພັດທະນາ ຮວມຍອດລາຍໄດ້ແຫ່ງຊາດສະເຫຼ່ຍຕໍ່ຫົວຄົນປະມານ 2.520 ໂດລາສະຫະລັດ ຮວມຍອດມູນຄ່າຜະລິດຕະພັນພາຍໃນ ຫຼື GDP ສະເຫຼ່ຍບໍ່ໃຫ້ຫຼຸດ 7,5% ຕໍ່ປີ ຍຸດທະສາດຮອດປີ 2025 ຕ້ອງສ້າງພື້ນຖານເສດຖະກິດໃຫ້ມີລາຍຮັບປານກາງສູງ GDP ສະເຫຼ່ຍຕໍ່ຫົວຄົນໃຫ້ເພີ່ມຂຶ້ນ 2 ເທົ່າໂຕ ແລະ ຍຸດທະສາດຮອດປີ 2030  ຕ້ອງສ້າງບາດລ້ຽວໃໝ່ບຸກທະລຸໃຫ້ລາວກາຍເປັນປະເທດພວມພັດທະນາທີ່ມີລາຍຮັບປານກາງ-ສູງ ຕາມທິດເສດຖະກິດພູມປັນຍາ ສີຂຽວ ແລະ ຍືນຍົງ.

         ເພື່ອບັນລຸເປົ້າໝາຍດັ່ງກ່າວ ລັດຖະບານໄດ້ປັບປຸງ ແລະ ປະກາດນໍາໃຊ້ກົດໝາຍ ນິຕິກໍາ ນະໂຍບາຍ ແລະ ກົນໄກຕ່າງໆ ໂດຍສະເພາະນິຕິກໍາຂະແໜງການເງິນ ກໍໄດ້ຮັບຮອງຫຼາຍສະບັບໃນປີ 2015 ໃນນັ້ນຮວມມີລັດຖະບັນຍັດຂອງປະທານປະເທດວ່າດ້ວຍອັດຕາຄ່າຊັບພະຍາກອນທໍາມະຊາດ ແລະ ເຄື່ອງປ່າຂອງດົງ ປະກອບມີ 4 ໝວດ 11 ມາດຕາ ເຊິ່ງເປັນນິຕິກໍາທີ່ມີຄວາມສໍາຄັນຫຼາຍ ເນື່ອງຈາກວ່າ ຊັບພະຍາກອນທໍາມະຊາດເປັນສາທາລະ ນະສົມບັດ ເປັນກໍາມະສິດຂອງວົງຄະນາຍາດແຫ່ງຊາດ ເມື່ອມີການຄຸດຄົ້ນກໍຈະບົກແຫ້ງ ແລະ ບໍ່ສາມາດສ້າງທົດແທນຂຶ້ນໃໝ່ໄດ້ ເຊັ່ນ ແຮ່ທາດ ຊັບພະຍາກອນນໍ້າ ດັ່ງນັ້ນ ລັດຖະບານຈິ່ງມີນະໂຍບາຍໃນການຂຸດຄົ້ນທ່າແຮງທີ່ບົ່ມຊ້ອນດ້ານຊັບພະຍາກອນທໍາມະຊາດ ເຂົ້າໃສ່ການພັດທະນາ ແລະ ຈະຕ້ອງມີມາດຕະການເພື່ອຮັບປະກັນໃຫ້ແກ່ການຄຸ້ມຄອງ ນໍາໃຊ້ຊັບພະຍາກອນທໍາມະຊາດທີ່ມີຢ່າງຈໍາກັດໃຫ້ກຸ້ມຄ່າ ແລະ ມີປະສິດທິຜົນ ເພື່ອເຮັດແນວໃດໃຫ້ລັດໄດ້ຮັບຜົນປະໂຫຽດສູງສຸດຈາກການຂຸດຄົ້ນ ຈິ່ງຈັດໃຫ້ມີກອງປະຊຸມໃນເທື່ອນີ້ຂຶ້ນແນໃສ່ປຶກສາຫາລືແລກປ່ຽນຄໍາຄິດຄໍາເຫັນ ກ່ຽວກັບກົນໄກການຄຸ້ມຄອງການຂຸດຄົ້ນ ແລະ ສົ່ງອອກແຮ່ທາດໃນໄລຍະທີ່ຜ່ານມາ ບັນຫາທີ່ເປັນຊ່ອງຫວ່າງ ປາກົດການຫຽໍ້ທໍ້ຕ່າງໆ ພ້ອມທັງປະກອບຄໍາເຫັນໃສ່ຮ່າງແນະນໍາກ່ຽວກັບການຈັດຕັ້ງປະຕິບັດລັດຖະບັນຍັດ ເພື່ອສ້າງຄວາມຮັບຮູ້ ຄວາມເຂົ້າໃຈຢ່າງກວ້າງຂວາງ ມີຄວາມເປັນເອກະພາບກັນ ເພື່ອນໍາໄປຈັດຕັ້ງຜັນຂະຫຽາຍໃນຕໍ່ໜ້າ ແລະ ປະຕິບັດໃຫ້ໄດ້ທິດນໍາທີ່ກໍານົດໄວ້ໃນມະຕິກອງປະຊຸມໃຫຍ່ຄັ້ງທີ X ຂອງພັກທີ່ວ່າສຸມໃສ່ປົກປັກຮັກສາ ແລະ ນໍາໃຊ້ຊັບພະຍາກອນທໍາມະຊາດທີ່ມີຢູ່ຢ່າງຈໍາກັດໃຫ້ມີປະສິດທິພາບປະສິດທິຜົນ ແລະ ມີຄວາມຍືນຍົງສູງ ດ້ວຍນະໂຍບາຍ ແລະ ມາດຕະການຕ່າງໆເຊັ່ນ ປັບປຸງລະບຽບ ກົດໝາຍ ແລະ ກົນໄກຈັດຕັ້ງປະຕິບັດລະບຽບກົດໝາຍທີ່ກ່ຽວຂ້ອງກັບການຄຸ້ມຄອງ ແລະ ນໍາໃຊ້ຊັບພະຍາກອນທໍາມະຊາດຢ່າງມີປະສິດພາບ ປະສິດທິຜົນ ສຶກສາ ຄົ້ນຄວ້າ ວິໄຈ ຈັດສັນ ແລະ ສ້າງແຜນການນໍາໃຊ້ຊັບພະຍາກອນທໍາມະຊາດຢ່າງມີປະສິດຜົນສູງ.

ຂ່າວ/ພາບ: ເຜິ້ງຄໍາ (http://www.vtetoday.la/)

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...