- ວັນທີ 10 ມິຖຸນາ 2016 ຜ່ານມາທີ່ສະພາການຄ້ານະຄອນຫຼວງວຽງຈັນກົມສົ່ງເສີມ ແລະ ພັດທະນາສິນຄ້າ ກະຊວງອຸດສາຫະກຳ ແລະ ການຄ້າຮ່ວມກັບສະມາຄົມເຟີນີເຈິລາວ, ຈັດກອງປະຊຸມພົບປະສະມາຊິກ ເພື່ອກະກຽມຄວາມພ້ອມງານວາງສະແດງເຄື່ອງເຮືອນລາວ ຄັ້ງທີ 1 ປະຈຳປີ 2016, ພາຍໃຕ້ການ ເປັນປະທານຂອງທ່ານ ຄຳໄພ ສົມຊະນະ ປະທານສະມາຄົມ ເຟີນີເຈີລາວ, ມີຮອງປະທານສະມາຄົມ, ບັນດານັກທຸລະກິດ ແລະ ພະນັກງານທີ່ກ່ຽວຂ້ອງເຂົ້າຮ່ວມ.
ກອງປະຊຸມດັ່ງກ່າວບັນດາສະມາຊິກ ແລະຜູ້ເຂົ້າຮ່ວມໄດ້ຮັບຟັງການນຳສະເໜີແຜນການ ແລະຄວາມພ້ອມໃນການເຂົ້າຮ່ວມງານວາງສະແດງດັ່ງກ່າວ, ຫຼັງຈາກນັ້ນໄດ້ພ້ອມກັນຄົ້ນຄວ້າປະກອບຄຳຄິດເຫັນ ແລະເປັນເອກະພາບຕໍ່ແຜນການກະກຽມຄວາມພ້ອມໃນການເຂົ້າຮ່ວມ ງານວາງສະແດງ, ທີ່ໄດ້ກຳນົດວຽກງານຕ່າງໆໄວ້ໃນແຕ່ລະດ້ານ.
ງານວາງສະແດງດັ່ງກ່າວແມ່ນຈະ ໄດ້ຈັດຂຶ້ນໃນລະຫວ່າງວັນທີ 18-24 ກໍລະກົດ 2016 ທີ່ຈະມາເຖິງນີ້ທີ່ສູນ ການຄ້າລາວ-ໄອເຕັກ. ແນວໃດກໍດີຫາກທ່ານໃດທີ່ມີຄວາມສົນໃຈໃນຜະລິດຕະພັນເຄື່ອງເຮືອນລາວ ຫຼື ເຟີນີເຈີ ລາວ ກໍຢ່າລືມໄປເລືອກຊົມ, ເລືອກຊື້ກັນໄດ້.
ທີ່ມາ: 