ໃນເສິກບານ ຢູໂຣ 2016 ເມື່ອຄືນນີ້ (ວັນທີ 11 ມິຖຸນາ 2016) ນັດເປີດສະໜາມເປັນການພົບກັນລະຫວ່າງ “ສິງໂຕຄຳຣາມ” ແລະ “ໝີຂາວ” ກ່ອນຈະຈົບລົງດ້ວຍການສະເໝີກັນ 1-1 ຢ່າງສຸດມັນ ແຕ່ເລື່ອງບໍ່ຈົບລົງງ່າຍໆເມື່ອແຟນບານ ຣັສເຊຍ ເດືອດທະລຸອົງສາຂ້າມຝັ່ງມາເອົາເລື່ອງກັບແຟນບານ ອັງກິດ ໂດຍເຫດການດັ່ງກ່າວເກີດຂຶ້ນຫຼັງຈົບເກມ ເຊິ່ງກ່ອນໜ້າວັນແຂ່ງຕະຫຼອດ 3 ວັນທີ່ຜ່ານມາ ແຟນບານຂອງທັງສອງທີມກໍ່ພາກັນກໍ່ເຫດວຸ້ນວາຍ ມີເລື່ອງວິວາດຈົນຕຳຫຼວດຂອງຝຣັ່ງໄດ້ໃຊ້ແກັສນ້ຳຕາສະລາຍກຸ່ມດັ່ງກ່າວ ພ້ອມຈັບກຸມຜູ້ກໍ່ເຫດໄປດຳເນີນຄະດີມາແລ້ວຫຼາຍຄົນ
ເຫດຄວາມວຸ່ນວາຍດັ່ງກ່າວໄດ້ເລີ່ມເກີດຈາກບໍລິເວນພາຍນອກສະໜາມ ເພາະກ່ອນຈະເລີ່ມການແຂ່ງຂັນບໍ່ດົນແຟນບານທັງສອງທີມກໍ່ໄດ້ຍົກພວກເຂົ້າຖະຫຼົ່ມກັນຈົນສະພາບພາຍນອກສະໜາມເສຍຫາຍຫຼາຍຈຸດ
ທີ່ມາ: http://sport.mthai.com/football-inter/263278.html