ວັນເສົາເປັນວັນພັກວຽກຂອງຫຼາຍຄົນ ມື້ນີ້ເຮົາເລີຍບໍ່ພາດທີ່ຈະມາເວົ້າເລື່ອງຂອງກິນ ແລະ ຄຸນປະໂຫຍດທີ່ໄດ້ຈາກຂອງກິນເຫຼົ່ານີ້ ວັນນີ້ທາງເຮົາຈະເອົາເມນູໃດແນ່ມານຳສະເໜີເຮົາມາອ່ານກັນເລີຍ

1. ໝາກໂມ: ຈະມີທາດເຢັນຈາກນ້ຳ ແລະ ມີອາຈິນິນທີ່ເປັນສານຊ່ວຍໃຫ້ຫຼອດເລືອດຂະຫຍາຍ ແລະ ເຮັດໃຫ້ຮ່າງກາຍສົດຊື່ນ. ນອກນີ້, ຍັງມີໄລໂຄປິນທີ່ຊ່ວຍຫຼຸດຜ່ອນຄວາມຕືງຄຽດໄດ້ດີ ແລະ ຍັງມີຈຳພວກໝາກແຕງ, ໝາກແຄນຕາລູບ ແລະ ໝາກແຕງຫອມອື່ນໆກໍ່ມີຄຸນສົມບັດຄ້າຍຄືກັນ.

2. ຕຳສົ້ມຕ່າງໆ: ຈະມີກົດເຜັດຢູ່ເປັນຈຳນວນຫຼາຍໃນໜ່ວຍໝາກເຜັດ ເຊິ່ງກົດເຜັດນີ້ເອງທີ່ຊ່ວຍຊັກນຳໃຫ້ສານແຫ່ງຄວາມສຸກໃນສະໝອງໃຫ້ຫຼັ່ງອອກມາຈົນເປັນທີ່ພໍໃຈ.

3. ໃບຂີ້ເຫຼັກ, ຜັກກະເດົາ ແລະ ໝາກຜັກໄຊ່: ຈະຊ່ວຍລະງັບອາການຊືມເສົ້າໂດຍສະເພາະແມ່ນສານບາຣາຄອນໃນໃບຂີ້ເຫຼັກ.

4. ນ້ຳເຜິ້ງ: ເປັນສານອາຫານອາລົມດີເມື່ອກິນແລ້ວສານນ້ຳຕານຟຣຸກໂຕສໃນນ້ຳເຜິ້ງຈະຊ່ວຍໃ້ອາລົມດີ, ສະບາຍໃຈ ແລະ ມີພະລັງ.

5. ສາລີ, ເຂົ້າໜົມທີ່ເຮັດດ້ວຍໝາກຖົ່ວ, ໝາກງາ, ເຂົ້າ ແລະ ທັນຍະພືດ: ຈະມີທາດອາລົມດີທີ່ມີຊື່ວ່າທຣິປໂຕແຟນເປັນຈຳນວນຫຼາຍ ແລະ ຈະປ່ຽນໄປເປັນສານເຄມີອາລົມດີຊື່ຊີໂຣໂທນິນ. ສ່ວນໃຜມີເຄມີດີໆແບບນີ້ຫຼາຍໆກໍ່ເຮັດໃຫ້ເປັນສຸກໃຈ, ແກ້ເຈັບຫົວ, ປົວລຳໄສ້ຜິດປົກກະຕິ, ຊ່ວຍຕ້ານອາການຊືມເສົ້າ ແລະ ຊ່ວຍແກ້ຄວາມຊຸດໂຊມຂອງສັງຂານຕາມໄວອາຍຸ.

ທີ່ມາ: ເສດຖະກິດ-ສັງຄົມ