ກຽວຄື້ນແມ່ເຫຼັກເທິງຕາເວັນ ຖ່າຍໂດຍຍານສໍາຫຼວດ Solar Dynamics Observatory (SDO) ເມື່ອວັນທີ 19 ມັງກອນ 2012 ເກີດຂຶ້ນໃນໃຈກາງຂອງການປະທຸຂອງຕາເວັນ ຫຼືການປົດປ່ອຍມວນໂຄໂຣນາ (CMEs) .
ຮູບຂອງໂລກສ້ຽວກໍາລັງຂຶ້ນເໜືອຂອບຟ້າຂອງດວງຈັນ ຖ່າຍຈາກຍານອະວະກາດ Apollo 17 ທີ່ກໍາລັງໂຄຈອນອ້ອມດວງຈັນ ຖືເປັນພາລະກິດການລົງຈອດເທິງດວງຈັນຄັ້ງຫຼ້າສຸດຂອງມະນຸດ.
ສະຖານີອະວະກາດນານາຊາດ ແລະກະສວຍອະວະກາດ Endeavour ທີ່ເຂົ້າທຽບຍານ ຖ່າຍເມື່ອວັນທີ 23 ພະຈິກ 2011 ໂດຍ PaoloNespoli ນັກບິນອະວະກາດຈາກຄະນະເດິນທາງທີ 27 ໃນຍານ Soyuz TMA-20 ທີ່ຫາກໍເດິນທາງອອກຈາກສະຖານີອະວະກາດ ນັບເປັນຮູບຖ່າຍທຳອິດທີ່ສະແດງໃຫ້ເຫັນຂະນະທີ່ກະສວຍອະວະກາດໄດ້ເຊື່່ອມຕໍ່ທຽບຍານເຂົ້າກັບສະຖານີອະວະກາດນານາຊາດ.
ປາກົດການແສງໃຕ້ ຖ່າຍໂດຍ Andre Kuipers ນັກບິນອະວະກາດຊາວເນເທີແລນ ຂະນະໂດຍສານຢູ່ພາຍໃນສະຖານີອະວະກາດນານາຊາດ ລະຫວ່າງທະວີບແອນຕາກຕິກແລະອົສຕາລີ ເມື່ອວັນທີ 10 ມີນາ 2012.
ຜູ້ຊ່ຽວຊານພາລະກິດ Bruce McCandless II ລອຍໂຕຢູ່ກາງຫ້ວງອະວະກາດໂດຍບໍ່ໃຊ້ເຊືອກຫຼືອຸປະກອນນິລະໄພຈາກກະສວຍອະວະກາດ ຖືເປັນການລອຍໂຕຢ່າງອິດສະຫຼະໃນວົງໂຄຈອນທີ່ມີຄວາມຫ່າງໄກທີ່ສຸດເທົ່າທີ່ເຄີຍເຮັດມາ ຖ່າຍເມື່ອວັນທີ 12 ກຸມພາ 1984 ດ້ວຍຄວາມຊ່ວຍເຫຼືອຈາກອຸປະກອນ MMU ຊຸດອາຍພົ່ນໄນໂຕຣເຈນທີ່ຕິດຢູ່ທາງຫຼັງ.