spot_img
HomeຊີວິດແລະຄວາມຮັກWedding-Sex-loveຂໍ້ດີ ແລະ ຂໍ້ເສຍຂອງການປ່ອຍນ້ຳທາງນອກ ແລະ ຄຳຖາມຍອດຮິດປ່ອຍນອກມີໂອກາດຖືພາໄດ້ບໍ່?

ຂໍ້ດີ ແລະ ຂໍ້ເສຍຂອງການປ່ອຍນ້ຳທາງນອກ ແລະ ຄຳຖາມຍອດຮິດປ່ອຍນອກມີໂອກາດຖືພາໄດ້ບໍ່?

Published on

ຄວາມຮັກ ກັບ ເຊັກສ໌ ເຮົາຍັງຈະມາເວົ້າກ່ຽວກັບເພດສຳພັນອີກເລື່ອງໜຶ່ງເຊິ່ງເລື່ອງນີ້ມັນບໍ່ແມ່ນສິ່ງທີ່ລາມົກ ຫຼື ເປິເປື້ອນໃດໆທັງໃດ ໃຫ້ຄິດວ່ານີ້ເປັນເພດສຶກສາ ເພາະມັນເປັນເລື່ອງທຳມະຊາດທີ່ເກີດມາຄູ່ກັບມະນຸດ ສະນັ້ນການມີຄວາມຮູ້ເລື່ອງເພດສຳພັນໄວ້ກໍ່ເປັນການດີ ຫົວຂໍ້ທີ່ເຮົາຈະມາເວົ້າວັນນີ້ແມ່ນ ຂໍ້ດີ ແລະ ຂໍ້ເສຍຂອງການປ່ອຍນ້ຳທາງນອກ ແລະ ຄຳຖາມຍອດຮິດປ່ອຍນອກມີໂອກາດຖືພາໄດ້ບໍ່? ເຊິ່ງຂໍ້ມູນນີ້ຖືກເປີດເຜີຍທີ່ເວັບໄຊ frynn.com ເຊິ່ງມັນເປັນເລື່ອງທີ່ໜ້າສົນໃຈຂອງໃຜຫຼາຍໆຄົນ ສະນັ້ນເຮົາໄປຮູ້ກັນເລີຍ

ຂໍ້ດີຂອງການປ່ອຍນ້ຳທາງນອກ

  1. ເປັນວິທີທີ່ໃຊ້ໄດ້ສະເໝີ ໃຫ້ຄວາມຮູ້ສຶກເປັນທຳມະຊາດ ອາໃສແຕ່ພຽງຄວາມອົດທົນ ແລະ ເພີ່ມຄວາມລະມັດລະວັງຫຼາຍຂຶ້ນເທົ່ານັ້ນ ຖ້າຄວາມຄຸມການປ່ອຍນ້ຳອະສຸຈິໄດ້ ໂດຍລໍຖ້າໃຫ້ຝ່າຍຍິງເຖິງຈຸດສຸດຍອດກ່ອນຈະໄດ້ຜົນດີທັງຄູ່
  2. ເປັນວິທີທີ່ງ່າຍ ສະດວກ ປະຫຍັດ ບໍ່ຕ້ອງເສຍເງິນຊື້ຖົງຢ່າງອະນາໄມ ບໍ່ຕ້ອງອາໃສເຄື່ອງມືແພດໃດໆທັງນັ້ນ
  3. ບໍ່ຕ້ອງຫຍຸ້ງກ່ຽວກັບຮໍໂມນ ຈິ່ງບໍ່ເຮັດໃຫ້ເກີດຜົນຂ້າງຄຽງຈາກການໃຊ້ຮໍໂມນຄືການໃຊ້ຢາຄຸມກຳເນີດ ຢາສີດຄຸທກຳເນີດ ຢາຝັງຄຸມກຳເນີດ ແລະ ແຜ່ນແປະຄຸມກຳເນີດ
  4. ບໍ່ມີຜົນຕໍ່ປະຈຳເດືອນ ເຮັດໃຫ້ປະຈຳເດືອນມາປົກກະຕິ ເມື່ອຢຸດໃຊ້ພາວະການຈະເລີນພັນຈະກັບມາທັນທີ

ຂໍ້ເສຍຂອງການປ່ອຍນ້ຳທາງນອກ

  1. ວິທີນີ້ເປັນວິທີທີ່ມີຄວາມສ່ຽງໃນການຖືພາສູງ ຜູ້ຊາຍບາງຄົນອາດສົງໃສວ່າເປັນຫຍັງແມ່ຍິງທີ່ນອນກັບຕົນເອງຈິ່ງຖືພາໄດ້ເມື່ອເວລາຫລັ່ງນ້ຳອະສຸຈິທຸກຄັ້ງແມ່ນປ່ອຍອອກທາງນອກ ແຕ່ກໍ່ຄືວ່າເລື່ອງແບບນີ້ມັນມີໂອກາດພາດໄດ້ງ່າຍຫຼາຍ
  2. ເຮັດໃຫ້ຄູ່ນອນມີຄວາມສຸກໄດ້ບໍ່ເຕັມທີ່ (ໂດຍສະເພາະຝ່າຍຊາຍ) ສ່ວນຝ່າຍຍິງມີໂອກາດເຖິງຈຸດສຸດຍອດໄດ້ໜ້ອຍລົງ ເພາະຝ່າຍຊາຍຕ້ອງຝືນໃຈເອົາອະໄວຍະວະເພດອອກກ່ອນໃນເວລາທີ່ຈະເຖິງຈຸດສຸດຍອດນັ້ນເອງ
  3. ໃນບາງກໍລະນີ (ໂດຍສະເພາະໄວລຸ້ນມືໃໝ່) ມັກເກີດອາການຕື່ນເຕັ້ນຈິ່ງເຮັດໃຫ້ເກີດຫລັ່ງນ້ຳອະສຸຈິໄວ ຫຼື ບໍ່ສາມາດຄວບຄຸມຈັງຫວະການປ່ອຍນ້ຳອອກໄດ້ ຄວາມສ່ຽງການຖືພາຂອງແມ່ຍິງກໍ່ຈະສູງຫຼາຍຂຶ້ນ
  4. ບໍ່ສາມາດປ້ອງກັນໂຣກຕິດຕໍ່ທາງເພດສຳພັນໄດ້ ໂດຍສະເພາະ ເອສ, ໜອງໃນ, ຫອນໄກ່ ແລະ ອື່ນໆ

ຄຳຖາມຍອດຮິດປ່ອຍນອກມີໂອກາດຖືພາໄດ້ບໍ່?

ຄຳຖາມ:​ມີຫຍັງກັບແຟນແລ້ວປ່ອຍນອກຈະຖືພາໄດ້ບໍ່?

ຄຳຕອບ: ບໍ່ແນ່ໃຈ ເພາະຂຶ້ນຢູ່ກັບຫຼາຍໆປັດໄຈ ແຕ່ມັນກໍ່ຂຶ້ນຢູ່ກັບລະດັບຄວາມສ່ຽງ ແລະ ຂຶ້ນກັບວັນທີທີ່ມີປະຈຳເດືອນຮອບສຸດທ້າຍ ວັນທີ່ມີເພດສຳພັນໃນຊ່ວງຕົກໄຂ່ ຫຼື ບໍ່ ເປັນຕົ້ນ

ຄຳຖາມ: ມີຫຍັງກັບແຟນເຮັດແລ້ວຍົກໜຶ່ງແລ້ວກັບມາເຮັດອີກໃນເວລາທີ່ສອດໃສ່ອີກຄັ້ງຢາກຮູ້ວ່າ ຈະມີນ້ຳອະສຸຈິປົນມາກັບນ້ຳລໍ່ລື້ນ ຫຼື ບໍ່?

ຄຳຕອບ: ຂຶ້ນຢູ່ກັບເວລາທີ່ມີເພດສຳພັນວ່າທ່ານກັບມາເຮັດຄືນນັ້ນໃຊ້ໄລຍະຫ່າງຂອງເວລາພຽງໃດຖ້າກັບມາມີເຊັກສ໌ໄວກໍ່ຈະມີຄວາມສ່ຽງສູງເພາະເຊື້ອອະສຸຈິທີ່ຢູ່ໃນທໍ່ປັດສະວະທ່ານຍັງອອກບໍ່ໝົດ ຫຼື ຍັງບໍ່ທັນຕາຍ ຍິ່ງທ່ານແຊ່ອະໄວຍະເພດຊາຍໃນອະໄວຍະວະເພດຍິງດົນກໍ່ຍິ່ງມີໂອກາດຫຼາຍໃນການຖືພາ ເຖິງຈະເຮັດແລ້ວບໍ່ແລ້ວກໍ່ຕາມ

ຄຳຖາມ:​ຫຼັງນ້ຳແຕກທາງນອກແລ້ວບໍ່ໄດ້ສອດອະໄວຍະວະເພດກັບເຂົ້າໄປອີກຄັ້ງ ຈະມີໂອກາດຖືພາໄດ້ ຫຼື ບໍ່?

ຄຳຕອບ: ບໍ່ຖືພາແນ່ນອນ ເພາະການຈະຖືພາແມ່ນຕ້ອງມາຈາກການສອດໃສ່ຄືນເທົ່ານັ້ນ ພຽງຖູໆຢູ່ທາງນອກບໍ່ສາມາດຖືພາໄດ້ ເພາະອະສຸຈິທີ່ຢູ່ທາງນອກຈະມີອາຍຸສັ້ນບໍ່ພໍເທົ່າໃດນາທີກໍ່ຕາຍ

ຄຳຖາມ: ມີຫຍັງກັບແຟນ ແລະແຟນໄດ້ປ່ອຍນ້ຳອອກທາງນອກແລ່ວກັບມາສອດເຂົ້າໃໝ່ ຫຼັງຈາກມາມີເພດສຳພັນແລ້ວ ເຮົາຄວນກິນຢາຄຸມສຸກເສີນໃສ່ອີກບໍ່?

ຄຳຕອບ: ການປ່ອຍນ້ຳທາງນອກແມ່ນການຫຼຸດຄວາມສ່ຽງຂອງການຖືພາ ແຕ່ບໍ່ໄດ້ໝາຍຄວາມວ່າຈະຄຸມກຳເນີດໄດ້ ຫາກທ່ານບໍ່ໝັ້ນໃຈໃຫ້ກິນຢາຄຸມສຸກເສີນປ້ອງກັນເລີຍດີກວ່າ

ຄຳຖາມ:​ ຄັ້ງທຳອິດປ່ອຍນ້ຳທາງນອກ ແຕ່ຄັ້ງທີ 2-3 ແມ່ນໃສ່ຖົງຢາງອະນາໄມ ຈະມີໂອກາດຖືພາໄດ້ຫຼືບໍ່?

ຄຳຕອບ: ຕັ້ງແຕ່ຄັ້ງທຳອິດບໍ່ມີການປ້ອງກັນກໍ່ມີຄວາມສ່ຽງຖືພາໄດ້

ຄຳຖາມ: ມີຫຍັງກັບແຟນໃນວັນຢຸດປະຈຳເດືອນພໍດີ  ແລະ ໄດ້ມີການປ່ອຍນ້ຳທາງນອກໂອກາດແຟນຈະຖືພາສູງຫຼາຍບໍ່?

ຄຳຕອບ: ໂອກາດຖືພາມີແຕ່ກໍ່ໜ້ອຍ ເພາະຍັງຢູ້ໃນຊ່ວງປອດໄພ ແຕ່ຈະປອດໄພຫຼາຍຂຶ້ນຫາກມີເພດສຳພັນໃນຊ່ວງໃກ້ເປັນປະຈຳເດືອນຄື ໜ້າ7 ຫຼັງ 7

ຄຳຖາມ: ປ່ອຍນ້ຳອອກໃນບໍລິເວນຂອບປາກຊ່ອງຄອດຈະຖືໄດ້ບໍ່?

ຄຳຕອບ: ມີຄວາມສ່ຽງຖືພາສູງ ເພາະຕົວອະສຸຈິຍັງສາມາດລອຍເຂົ້າໄປໃນຊ່ອງຄອດຂອງແມ່ຍິງໄດ້ ແລະ ເຮັດການປະຕິສົນທິໄດ້ຢູ່

ຄຳຖາມ: ແຟນປ່ອຍນ້ຳທາງນອກແລ້ວ ເຮົາເອົາສະລີບມານຸ່ງໃສ່ທັນທີໂດຍທີ່ເຮົາກໍ່ບໍ່ໄດ້ອາບນ້ຳ ຫຼື ລ້າງອອກທັນທີພັດຄາບອະສຸຈິທີ່ຕິດກັບສະລີບໄປເຖືອຖືກບໍລິເວນຊ່ອງຄອດພໍດີ ມີໂອກາດຖືພາໄດ້ຫຼືບໍ່?

ຄຳຕອບ: ມີຄວາມສ່ຽງຖືພາໄດ້ເຊັ່ນດຽວກັນ

ຄຳຖາມ:​ ເມື່ອເວລາປ່ອຍນ້ຳອອກທາງນອກແລ້ວເອົາເຈ້ຍທິດຊູ້ເຊັດ ແລ້ວມີເພດສຳພັນຕໍ່ອີກຈະມີໂອກາດຖືພາໄດ້ຫຼືບໍ່?

ຄຳຕອບ: ມີຄວາມສ່ຽງສູງຫຼາຍ ເພາະໃນທໍ່ປັດສະວະຍັງມີນ້ຳເຊື້ອຕົກຄ້າງຢູ່ ແລະ ພ້ອມຈະດີດຕົວອອກມາໃນລະຫວ່າງມີເພດສຳພັນຄັ້ງຕໍ່ໄປ

ຄຳຖາມ:​ ມີຫຍັງກັບແຟນຄັ້ງທຳອິດແລ້ວປ່ອຍນ້ຳອອກນອກ ຈາກນັ້ນກໍ່ໄປລ້າງແລ້ວລີດນ້ຳອອກໝົດແລ້ວຈິ່ງກັບມາເຮັດໃໝ່ແບບນີ້ຈະຖືພາໄດ້ ຫຼື ບໍ່?

ຄຳຄອບ: ມີຄວາມສ່ຽງສູງ ເຖິງວ່າທ່ານຈະລີດນ້ຳອະສຸຈິອອກຈົນໝົດແລ້ວ ແຕ່ໃນທໍ່ປັດສະວະກໍ່ຍັງຄົງມີນ້ຳເຊື້ອອະສຸຈິເຫຼືອຢູ່ ສະນັ້ນເມື່ອເວລາກັບໄປເຮັດຕໍ່ທັນທີກໍ່ຈະມີຄວາມສ່ຽງທີ່ຝ່າຍຍິງຈະຖືພາກໄດ້

ທີ່ມາ: http://frynn.com/

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...