ພັດທະນາການຂອງເດັກນ້ອຍ ແລະ ການຮຽນຮູ້ຂອງສະໝອງ
ການທຳງານຂອງສະໝອງເດັກນ້ອຍແມ່ນມີປະສິດທິພາບທີ່ສຸດ ແລະ ຍັງມີການພັດທະນາຢ່າງໄວ ໂດຍຂະບວນ ການຮຽນຮູ້ຂອງສະໝອງມີການຮັບ-ສົ່ງຂໍ້ມູນເປັນວົງຈອນຢ່າງຕໍ່ເນື່ອງພາຍໃຕ້ 3 ຂະບວນການຫຼັກ ເລີ່ມຕົ້ນຈາກການຮັບຮູ້ຕໍ່ສິ່ງຕ່າງໆໂດຍຮັບຂໍ້ມູນຜ່ານປະສາດສຳພັດທັງ 7 ດ້ານນັ້ນຄື : ການເບິ່ງເຫັນ, ການໄດ້ຍິນ, ຮັບຮູ້ກິ່ນ, ສຳພັດຣົດຊາດ, ການສຳພັດ, ການເຄື່ອນໄຫວ ແລະ ການຊົງຕົວ ຕໍ່ດ້ວຍການປະມວນຜົນຂໍ້ມູນ ໂດຍຈັດກຸ່ມ ແຍກແຍະ ຄັດເລືອກຂໍ້ມູນ ແລະ ຄວາມຮູ້ສຶກຂອງສະໝອງຕໍ່ສິ່ງທີ່ຮັບເຂົ້າມາ ແລະ ການຕອບສະໜອງ ຫຼັງຈາກການປະມວນຜົນຂໍ້ມູນປຽບທຽບກັບປະສົບການໃນອະດີດແລ້ວ ກໍ່ຈະມີການຕອບສະໜອງຕໍ່ສິ່ງເຫຼົ່ານັ້ນ ມັນຈະຊ່ວຍຕໍ່ຍອດໄປສູ່ການພັດທະນາສະໝອງທຸກດ້ານຂອງລູກນ້ອຍໄດ້ເປັນຢ່າງດີ
ຊ່ວງໄວອາຍຸແຫ່ງການເສີມພັດທະນາການສະໝອງຂອງລູກນ້ອຍ
ພໍ່ແມ່ຈະສາມາດຊ່ວຍເສີມພັດທະນາການສະໝອງຂອງລູກນ້ອຍໃຫ້ເຕັມສັກກະຍາພາບໄດ້ ຕ້ອງຄຳນຶງເຖິງຊ່ວງໄວອາຍຸເປັນພິເສດ ເພາະໄວເດັກເປັນຊ່ວງທີ່ສະໝອງຈະສ້າງ ແລະ ພັດທະນາເຄືອຄ່າຍໃຍປະສາດ ເຊິ່ງຮຽກວ່າເປັນໄວຕ່າງທາງໂອກາດ (0-6 ປີ) ຫຼັງຈາກນັ້ນຊ່ວງອາຍຸ 6-10 ປີ ການພັດທະນາການຂອງເດັກຈະເປັນການປັບແຕ່ງ ຈັດເກັບ ໂດຍຈະເກັບໃຍປະສາດສ່ວນທີ່ໃຊ້ເລື່ອຍໆ ແລະ ສ່ວນທີ່ບໍ່ໄດ້ໃຊ້ຈະຖືກຕັດອອກ ເຮົາເອີ້ນໄລຍະນີ້ວ່າ ໄລຍະອ່ອນໄຫວ ເມື່ອເດັກນ້ອຍອາຍຸໄດ້ 10 ປີ ເຄື່ອຂ່າຍໃຍປະສາດຈະຄົງໄວ້ໃນສ່ວນທີ່ໄດ້ຮັບການພັດທະນາເທົ່ານັ້ນ ສະນັ້ນຫາກສະໝອງຂອງລູກຖືກກະຕຸ້ນ ແລະ ຝຶກຝົນໃນຊ່ວງເວລາທີ່ເໝາະສົມ ເຄື່ອຂ່າຍຂອງໃຍປະສາດກໍ່ຈະມີການພັດທະນາຢ່າງໄວ ແລະ ສົ່ງເສີມໃຫ້ສະໝອງຂອງລູກພັດທະນາຄວາມສະຫຼາດໄດ່ຢ່າງເຕັມທີ່ມີປະສິດທິພາບ
ທີ່ມາ: http://www.mamaexpert.com/topic/20104