ຕອບສະໜອງຕາມຄຳເຊີນຂອງ ສະຫາຍ ບຸນຍັງ ວໍລະຈິດ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ສະຫາຍ ເຈິນ ດ້າຍ ກວາງ ປະທານປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ພ້ອມພັນລະຍາ ແລະ ຄະນະຜູ້ແທນຂັ້ນສູງ ຈະໄດ້ເດີນທາງມາຢ້ຽມ ຢາມທາງລັດຖະກິດ ທີ່ສາທາລະນະລັດ ປະຊາທິປະໄຕ ປະຊາ ຊົນລາວ ແຕ່ວັນທີ 12-14 ມິຖຸນານີ້ ເພື່ອເພີ່ມທະວີ ແລະ ເສີມຂະຫຍາຍສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງປະເທດ ລາວ ແລະ ຫວຽດນາມ.
ທ່ານ ເຈິນ ດ້າວ ກວາງ ເກີດເມື່ອວັນທີ 12 ຕຸລາ 1956 ທີ່ແຂວງນິ່ງບິງ,ວຸດທິການສຶກສາ ສາສະ ດາຈານ ປະລິນ ຍາເອກ. ປີ 1972-1975 ເປັນນັກສຶກສາໂຮງຮຽນຕຳຫລວດປະຊາຊົນສູນກາງ ແລະ ໂຮງຮຽນອັກສອນສາດຊັ້ນສູງ, 1975-1987 ເປັນພະນັກງານກົມປ້ອງກັນການເມືອງ 1 ກະຊວງພາຍໃນ, ຮອງຫົວໜ້າຫ້ອງສອດແນມ ກົມປ້ອງກັນການເມືອງ 2 ກະຊວງພາຍໃນ, ປີ 1987-1990 ເປັນຫົວໜ້າຫ້ອງເສນາທິການ ແລະ ຫົວໜ້າຫ້ອງສອບແນມ ກົມປ້ອງກັນການເມືອງ 2 ກະຊວງພາຍໃນ, ປີ 1990-1996 ເປັນຮອງເລຂາຄະນະພັກ, ຮອງຫົວໜ້າກົມເສນາທິການປ້ອງກັນ ຄວາມສະຫງົບ ກະຊວງພາຍໃນ, ປີ 1996-2000 ເປັນເລຂາຄະນະພັກ, ຫົວ ໜ້າກົມເສນາທິການປ້ອງ ກັນຄວາມສະຫງົບ ກະຊວງຕຳຫລວດ, ປີ 2000-2006 ເປັນຮອງເລຂາຄະນະພັກ, ຮອງຫົວ ໜ້າກົມໃຫຍ່ ເສນາທິການປ້ອງກັນຄວາມສະຫງົບ ກະຊວງຕຳຫລວດ ແລະ ໄດ້ຮັບເລື່ອນຊັ້ນເປັນຈັດຕະ ວາ, ໄດ້ຮັບ ວຸດທິການສຶກສາເປັນຮອງສາສະພາຈານ, ປີ 2006-2001 ເປັນກຳມະການສູນກາງພັກ,ຮອງລັດຖະ ມົນຕີ ກະຊວງຕຳຫລວດ ແລະ ໄດ້ຮັບເລື່ອນຊັ້ນເປັນພົນຕີ, ໄດ້ຮັບວຸດທິການສຶກສາເປັນສາສະດາຈານ, ປີ2011-2016 ເປັນກົມການເມືອງສູນກາງພັກ, ຄະນະສະພາປ້ອກັນຊາດ-ປ້ອງກັນຄວາມສະຫງົບ, ເລຂາຄະນະພັກຕຳ ຫລວດສູນກາງ, ລັດຖະມົນຕີກະຊວງຕຳຫລວດ, ເປັນຫົວໜ້າຜູ້ຊີ້ນຳໃຕຫງວຽນ, ສະມາຊິກສະພາແຫ່ງຊາດ ຊຸດທີ13, ໄດ້ຮັບເລື່ອນຊັ້ນເປັນພົນໂທ 2011 ແລະ ພົນເອກ 2012 ແລະ ປັດຈຸບັນ ປະທານປະເທດ ແຫ່ງ ສາທາລະ ນະລັດ ສັງຄົມນິຍົມຫວຽດ ນາມ, ຫົວໜ້າຄະນະສະພາປ້ອງກັນຊາດ-ປ້ອງກັນຄວາມສະຫງົບ.
ຂ່າວຈາກ: http://laophatthananews.blogspot.com