ໃນໄລຍະຜ່ານມາບັນຫາການປ້ອມແປງສິນຄ້າ, ການນຳເຂົ້າສິນຄ້າທີ່ບໍ່ໄດ້ຄຸນນະພາບ ລວມທັງການຄ້າຂາຍສິນຄ້າຜິດກົດໝາຍ ຍັງມີພົບເຫັນໃນສັງຄົມ ເຊິ່ງຜູ້ຊົມໃຊ້ ກໍ່ມີຄວາມຫຍຸ້ງຍາກໃນການລາຍງານ ໃຫ້ເຈົ້າໜ້າທີ່ກ່ຽວຂ້ອງ, ສະນັ້ນ ເພື່ອເປັນການປະຕິບັດກົດໝາຍ ປົກປ້ອງຜູ້ຊົມໃຊ້ ໃຫ້ໄດ້ຮັບໝາກຜົນລວມທັງການລົງກວດສອບໂດຍໄວ້ ກົມການຄ້າພາຍໃນ ກະຊວງອຸດສາຫະກຳ ແລະ ການຄ້າ ກໍ່ໄດ້ເປີດການນຳໃຊ້ໂທສະສັບສາຍດ່ວນ ໝາຍເລກ 1510 ໂດຍບໍ່ໄດ້ເສຍຄ່າ.
ສາຍດ່ວນ 1510 ຈະເປັນຊ່ອງທາງ ໃນການປະສານເພື່ອແຈ້ງໃຫ້ໜ່ວຍງານຮັບຜິດຊອບ ເພື່ອເປັນການປົກປ້ອງສິດ ແລະ ຜົນປະໂຫຍດຂອງຜູ້ຊົມໃຊ້ ພ້ອມທັງເປັນການກະຕຸ້ນຊຸກຍູ້ໃຫ້ຜູ້ດຳເນີນທຸລະກິດ ຕ່າງໆ ຕ້ອງເອົາໃຈໃສ່ຜະລິດ ຈຳໜ່າຍສິນຄ້າ ຫຼື ໃຫ້ການບໍລິການທີ່ມີຄຸນນະພາບ ມາດຕະຖານ ມີຄວາມປອດໄພ ແລະ ລາຄາເໝາະສົມ.
ຂ່າວຈາກ: ເສດຖະກິດ – ການຄ້າ