spot_img
Homeອຸບັດເຫດແລະປາກົດການຫຍໍ້ທໍ້ຖືກຄຸກ 11 ປີຍ້ອນໂຄງການບໍ່ມີຕົວຕົນ

ຖືກຄຸກ 11 ປີຍ້ອນໂຄງການບໍ່ມີຕົວຕົນ

Published on

ທ້າວ ແສງປະເສີດ ອາຍຸ 45 ປີ ຢູ່ບ້ານໜອງວຽງຄຳ ເມືອງໄຊທານີ ນະຄອນຫລວງວຽງຈັນ ຖືກສານປະຊາຊົນນະຄອນຫລວງວຽງຈັນຕັດສິນລົງໂທດເມື່ອບໍ່ດົນມານີ້ໃຫ້ຈຳຄຸກເປັນເວລາ 11 ປີ ພ້ອມປັບໄໝ 8 ແສນກີບ ແລະ ໃຫ້ໃຊ້ແທນຄວາມເສຍຫາຍໃຫ້ແກ່ໂຈດຈຳນວນ 86.400 ໂດລາສະຫະລັດ ແລະ 20 ລ້ານກີບ ໃນຂໍ້ຫາສໍ້ໂກງຊັບພົນລະເມືອງ ເຊິ່ງຄະດີມີຢູ່ວ່າ: ໃນປີ 2013 ຜູ້ກ່ຽວໄດ້ຕິດຕໍ່ຫາຄົນຮູ້ຈັກທີ່ເປັນຫົວໜ້າບໍລິສັດກໍ່ສ້າງຂົວທາງແຫ່ງໜຶ່ງວ່າຈະຂາຍໂຄງການກໍ່ສ້າງເສັ້ນ ທາງເບຕົງ ແຕ່ທາງເລກ 13 ເໜືອເຂົ້າບ້ານໜອງຂອນຫາບໍລິສັດຢາສູບລາວສາກົນ ຢູ່ເມືອງໂພນໂຮງ ແຂວງວຽງຈັນ ໃນມູນຄ່າ 19.800.000 ໂດລາສະຫະລັດ, ແຕ່ຜູ້ກ່ຽວສະເໜີພຽງແຕ່ 15.100.000 ໂດລາສະຫະລັດ ເຊິ່ງຫົວໜ້າບໍລິສັດກໍ່ສ້າງຂົວທາງດັ່ງກ່າວຈຶ່ງຕົກລົງຈ່າຍເງິນມັດຈຳໃຫ້ກ່ອນຈຳນວນ 144.000 ໂດລາສະຫະລັດ ແລະ 40 ລ້ານກີບ, ຫລັງຈາກນັ້ນ ທັງສອງຝ່າຍຈຶ່ງໄດ້ເຊັນສັນຍາມອບ

ໂຄງການໃຫ້ກັນເປັນຢ່າງດີ ແລະ ຕົກມາຮອດຕົ້ນປີ 2014 ຫົວໜ້າບໍລິສັດດັ່ງກ່າວຈຶ່ງຮູ້ວ່າໂຄງການເສັ້ນທາງດັ່ງກ່າວບໍ່ມີຕົວຕົນຈຶ່ງໄດ້ທວງເອົາເງິນຄືນ ແລະ ຜູ້ກ່ຽວໄດ້ຈ່າຍໃຫ້ພຽງ 57.600 ໂດລາສະຫະລັດ ແລະ 20 ລ້ານກີບ, ສ່ວນທີ່ເຫລືອແມ່ນຕິດໜີ້ໄວ້ ແລະ ຊອກເອົາມາໃຊ້ແທນໃຫ້ຄົບອີກພາຍໃນ 14 ວັນ, ຫລັງຈາກນັ້ນ ຜູ້ກ່ຽວກໍໄດ້ເອົາຕົວຫລົບໜີ ຈຶ່ງແຈ້ງຕໍ່ເຈົ້າໜ້າທີ່ ແລະ ສາມາດຈັບຕົວມາດຳເນີນຄະດີໄດ້ເມື່ອກາງປີ 2015 ແລະ ຖືກ ສານຕັດສິນລົງໂທດຕາມລະ ບຽບກົດໝາຍດັ່ງກ່າວ.

ຂ່າວຈາກ: ລາວພັດທະນາ

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...