ຈີນຮົງກົງສັ່ງຫ້າມຄ້າສັດປີກທີ່ຍັງມີຊີວິດເປັນການຊົ່ວຄາວ ຫຼັງຈາກຜົນການສຸ່ມກວດຕະຫຼາດແຄມທາງພົບເຊື້ອໄວຣັສ H7N9.
ສຳນັກຂ່າວຊິນຫົວຂອງທາງການຈີນລາຍງານວັນນີ້ ອ້າງສຳນັກງານສຸຂະອະນາໄມອາຫານ ແລະ ສິ່ງແວດລ້ອມຂອງຈີນຮົງກົງວ່າ ພົບເຊື້ອໄວຣັສຈາກອາຈົມສັດປີກ ຈົນເຖິງຂະນະນີ້ຍັງບໍ່ພົບຕົ້ນຕໍ່ຂອງເຊື້ອ ແລະ ໄດ້ກວດຄົນງານສາມໃນສີ່ຄົນທີ່ເຮັດວຽກໃນຕະຫຼາດດັ່ງກ່າວ ແຕ່ບໍ່ມີໃຜສະແດງອາການວ່າຕິດເຊື້ອ ທາງການຈີນຮົງກົງຈະປະຊຸມພິເສດໃນມື້ນີ້ ເພື່ອປະເມີນຄວາມສຽງ ແລະ ຕັດສິນໃຈວ່າຈະໃຊ້ຄຳສັ່ງຫ້າມຄ້າສັດປີຊົ່ວຄາວໄປຈົນເຖິງເມື່ອໃດ.
ຂໍ້ມູນຂອງອົງການອະນາໄມໂລກລະບຸວ່າ ໄວຣັສ H7N9 ເປັນຊະນິດຍ່ອຍຂອງໄວຣັສໄຂຫວັດໃຫຍ່ທີ່ແຕ່ເດີມພົບໃນສັດປີ ໂດຍຫາກໍ່ມາພົບໃນຈີນເມື່ອເດືອນມີນາ 2556 ຫຼັງຈາກນັ້ນກໍເລີ່ມພົບທັງສັດປີ ແລະ ຄົນທີ່ສຳຜັດສັດປີກຕິດເຊື້ອ ແຕ່ຍັງບໍ່ມີລາຍງານການຕິດຕໍ່ຈາກຄົນສູ່ຄົນ ຜູ້ຕິດເຊື້ອຈະປ່ວຍໜັກເຖິງຂັ້ນເສຍຊີວິດໄດ້.