ເຫຼືອອີກພຽງ 2 ຕອນເທົ່ານັ້ນ ສຳລັບຊີຣີ້ຍອດນິຍົມຢ່າງ “Descendants of the Sun”
ຈາກເນື້ອເລື່ອງທີ່ເຂັ້ມຂຸ້ນບວກກັບເຫດການຕ່າງໆ ທີ່ເຂົ້າມາສ້າງຄວາມຕື່ນເຕັ້ນຢູ່ສະເໝີ ເຮັດໃຫ້ຜູ້ຊົມຄາດເດົາຕອນຈົບຂອງເລື່ອງໄປຕ່າງໆນານາ ຍົກຕົວຢ່າງເຊັ່ນ ພະເອກຈະເປັນແນວໃດຕອນຈົບ, ພວກເຂົາຈະໄດ້ແຕ່ງງານກັນຫຼືບໍ່, ອັນນີ້ຕ້ອງລໍລຸ້ນກັນ
ນອກຈາກພະນາງຄູ່ເອກ ຢ່າງ ຊົງຈຸງກິ ແລະ ຊອງເຮຄຽວ ຈະຮັອດຮິດກັນໄປທົ່ວບ້ານທົ່ວເມືອງກັນແລ້ວ ຍັງມີອີກຄູ່ໜຶ່ງທີ່ຮິດກິນໃຈບໍ່ແພ້ກັນຢ່າງຄູ່ຂອງ ແພດທະຫານສາວ ຢຸນມະຢ່ອງຈູ ແລະ ຈ່າຊໍແດຢ່ອງ ທີ່ຮັບບົດໂດຍ “ຄິມຈີວອນ” ແລະ “ຈິນກູ” ວັນນີ້ບັນເທີງຕ່າງແດນກໍ່ບໍ່ພາດທີ່ຈະນຳສອງນັກສະແດງຈາກຊີຣີ້ສຸດຮິດຕອນນີ້ມາແນະນຳໃຫ້ຮູ້ຈັກກັນຕື່ມ
ຄິນຈີວອນ 김지원 Kim Ji Won ເປັນນັກສະແດງສາວຊາວເກົາຫຼີໃຕ້ ເຊິ່ງຄິມຈີວອນເລີ່ມເຂົ້າວົງການບັນເທີງຄັ້ງທຳອິດແມ່ນປີ 2008 ໂດຍການປະກົດຕົວໃນລະຄອນ ແລະ ກໍ່ມີໂຄສະນາຕ່າງໆ ພ້ອມທັງສະແດງ MV ຂອງວົງ Big Bang ສະແດງມິວສິກວິດີໂອ ເພງ Gossip Boy ຂອງຢຸນຮາ
ຄິມຈີວອນ ເປັນທີ່ຮູ້ຈັກຫຼາຍຂຶ້ນໃນການສະແດງຊີຣີ້ເລື່ອງ The Heirs (2013) ໂດຍຮັບບົດເປັນຄູ່ໝັ້ນຂອງ ລີມິນໂຮ ແລະ ຜົນງານລ່າສຸດນີ້ເຮັດໃຫ້ນາງເປັນທີ່ຮູ້ຈັກກັນຫຼາຍຂຶ້ນກ່ວາເກົ່າຄືຊີຣີ້ເກົາຫຼີເລື່ອງ Descendants of the Sun ໂດຍຮັບບົດເປັນ Yoon Myung Joo ປະກົດຄູ່ກັບ Jin Goo
ຈິນກູ 진구 Jin Goo ເປັນນັກສະແດງຊາຍຊາວເກົາຫຼີ ພາຍໃຕ້ສັງກັດຄ້າຍ BH Entertainment ເຊິ່ງ ຈິນກູ ເປີດຕົວຄັ້ງທຳອິດໃນການສະແດງລະຄອນຊີຣີ້ໃນປີ 2013 ເລື່ອງ All In ໂດຍຮັບບົດເປັນ young Kim In-ha
ສຳລັບຜົນງານເລື່ອງລ່າສຸດທີ່ເຮັດໃຫ້ ຈິນກູ ເປັນທີ່ຮູ້ຈັກເພີ່ມຫຼາຍຂຶ້ນໄປອີກກໍ່ຄືຜົນງານລະຄອນຊີຣີ້ເລື່ອງ Descendants of the Sun ໂດຍຮັບບົດເປັນ ຈ່າຊໍແດຢ່ອງ ຂັວນໃຈສາວໆ ກັນທັງບ້ານທັງເມືອງ ປະກົບຄູ່ ຄິມຈີວອນ
https://youtu.be/vZ3anvOjSKM?list=RDY-4Aul1mvD0