ຈາກຂ່າວກ່ອນໜ້ານີ້ທີ່ເຮົາໄດ້ນຳສະເໜີສະມາດໂຟນມາແຮງຈາກບໍລິສັດ ZUK ທີ່ຢູ່ພາຍໃຕ້ການສະໜັບສະໜູນຂອງ Lenovo ນາມວ່າ ZUK Z2 ທີ່ມີຈຸດເດັ່ນໃນເລື່ອງຂອງສະເປັກທີ່ໃຫ້ມາເກີນລາຄາອີ່ຫຼີ່ ໂດຍໃນຕອນນີ້ມີຍອດຈອງຫຼາຍກວ່າ 6 ລ້ານເຄື່ອງແລ້ວສຳລັບສິນຄ້າຮອບທຳອິດໃນປະເທດຈີນ.
ສະເປັກໂດຍລວມກໍຄືມາພ້ອມກັບຈໍຂະໜາດ 5 ນິ້ວ, ຄວາມລະອຽດ FullHD ພ້ອມກັບຈໍ LTPS 2.5D. ໃຊ້ງານຊິບປະມວນຜົນໂຕໃໝ່ແລະແຮງແບບ Snapdragon 820 ແລະໃຊ້ງານລະບົບ Android 6.0 (Marshmallow) ທັບດ້ວຍ ZUI 2.0. ກ້ອງຫຼັງຄວາມລະອຽດ 13 ລ້ານພິກເຊວ ພ້ອມແຟລັດ LED, ລະບົບກວດຈັບໂຟກັດອັດຕະໂນມັດ ດ້ວຍຄວາມໄວໂຟກັດຢູ່ທິ່ 0.1 ວິນາທີ ແລະກ້ອງໜ້າ 8 ລ້ານພິກເຊວ.
ແບັດເຕີຣີໃຫ້ມາ 3500mAh ພ້ອມກັບລະບົບ Dual Fast Charging ແລະ Qualcomm Quick Charge 3.0 ເຊິ່ງສາມາດສາກແບັດຈາກ 0% ຫາ 80% ໄດ້ພາຍໃນ 1 ຊົ່ວໂມງ. ພື້ນທີ່ຈັດເກັບ 64 GB, RAM 4 GB ແລະຮອງຮັບ 2 ຊິມ (Nano ຊິມທັງສອງ).
ທັງໝົດນີ້ລາຄາພຽງແຕ່ 1799 ຢວນເທົ່ານັ້ນ (2.220.000 ກີບ). ສຳລັບການຈອງຍັງສາມາດຈອງໄດ້ເລື້ອຍໆຈົນເຖິງວັນທີ 7 ມິຖຸນານີ້ ກ່ອນທີ່ຈະເລີ່ມວາງຂາຍຢ່າງເປັນທາງການ.
ທີ່ມາ:gizmochina