ແຜ່ນດິນໄຫວທີ່ເກີດຂຶ້ນບໍລິເວນເກາະສຸມາຕຣາຂອງອິນໂດເນເຊຍ ແລະ ເຮັດໃຫ້ປະຊາຊົນຕື່ນຕົກໃຈຮີບອົບພະຍົບຂຶ້ນໄປຍັງບ່ອນສູງໃນມື້ນີ້ນັ້ນ ເຮັດໃຫ້ມີຜູ້ໄດ້ຮັບບາດເຈັບ 8 ຄົນ ແລະ ອາຄານບ້ານເຮືອນໄດ້ຮັບຄວາມເສຍຫາຍເປັນຈຳນວນຫຼາຍ.
ແຜ່ນດິນໄຫວຂະໜາດແຮງສະສັ່ນສະເທືອນ 6,5 ທີ່ເກີດຂຶ້ນເມື່ອຕອນເຊົ້າມື້ນີ້ ປຸກປະຊາຊົນທີ່ເມືອງປາດັງ ຊຶ່ງເປັນເມືອງທ່າເຮືອທາງຕາເວັບຕົກຂອງເກາະສຸມາຕຣາທີ່ກຳລັງນອນຫຼັບໃນເຮືອນ ແລະ ຮີບອອກຈາກທີ່ພັກໄປຫຼົບໄພໃນສະຖານບ່ອນສູງ ແຕ່ຫຼັງຈາກເກີດແຜ່ນດິນໄຫວ ບໍ່ມີປະກາດເຕືອນໄພຄື້ນສຶນາມິ ສຳນັກງານສຳຫຼວດທາງທໍລະນີວິທະຍາຂອງສະຫະລັດລະບຸວ່າ ຈຸດສູນກາງຂອງແຜ່ນດິນໄຫວຢູ່ຫ່າງຈາກເມືອງປາດັງປະມານ 140 ກິໂລແມັດ ບາງພື້ນທີ່ເກີດໄຟຟ້າດັບຫຼັງເກີດແຜ່ນດິນໄຫວ ແຕ່ກໍກັບມາໃຊ້ວຽກໄດ້ຕາມປົກກະຕິຫຼັງຈາກນັ້ນບໍ່ດົນ ແລະ ທາງການກໍບໍ່ໄດ້ສັ່ງໃຫ້ປະຊາຊົນອົບພະຍົມອອກຈາກເຮືອນແຕ່ຢ່າງໃດ.