ອົງການກຸ່ມປະເທດຜູ້ສົ່ງນໍ້າມັນເປັນສິນຄ້າອອກ ຫຼື ໂອເປັກ ຕັດສິນໃຈເມື່ອວານນີ້ທີ່ຈະຄົງປະລິມານການຜະລິດນໍ້າມັນໄວ້ທີ່ລະດັບເດີມ ຫຼັງຈາກທີ່ລາຄານໍ້າມັນໃນຕະຫຼາດໂລກຟື້ນຕົວປານກາງ ຊຶ່ງເປັນການຫຼຸດແຮງກົດດັນເລື່ອງການຈຳກັດປະລິມານການຜະລິດນໍ້າມັນຂອງປະເທດສະມາຊິກ.
ຖະແຫຼງການຂອງໂອເປັກຫຼັງການປະຊຸມທີ່ນະຄອນຫຼວງວຽນນາຂອງໂອຕຣິດເມື່ອວານນີ້ ກ່າວຢ່າງຊັດເຈນວ່າ ສະມາຊິກ 13 ຊາດ ໂອເປັກ ບໍ່ໄດ້ກຳນົດເປົ້າໝາຍໃໝ່ການຜະລິດນໍ້າມັນຂອງກຸ່ມແຕ່ຢ່າງໃດ ໂດຍກວ່າວວ່າ ນັບຕັ້ງແຕ່ການປະຊຸມສະມາຊິກໂອເປັກເມື່ອເດືອນທັນວາປີຜ່ານມາ ລາຄານໍ້າມັນໄດ້ປັບຕົວເພີ່ມຂຶ້ນຫຼາຍກວ່າ 80% ອຸປະສົງ ແລະ ອຸປະທານຕ່າງໆກໍ່ຟື້ນຕົວໂດຍ ທ່ານ ຄາລິກ ອັລ-ຟາລິ ລັດຖະມົນຕີພະລັງງານທີ່ຫາກໍ່ໄດ້ຮັບການແຕ່ງຕັ້ງຂອງຊາອຸດິອາຣະບີກ່າວກ່ອນໜ້ານີ້ສະແດງຄວາມເຊື່ອໝັ້ນວ່າ ລາຄານໍ້າມັນຈະຍັງຄົງປັບຕົວເພີ່ມຂຶ້ນຕໍ່ໄປ.