ການມີລູກຍາກ ບໍ່ແມ່ນເປັນຍ້ອນຄວາມບໍ່ແຂງແຮງຂອງຝ່າຍຍິງພຽງຝ່າຍດຽວ ຄວາມຈິງແລ້ວຂຶ້ນຢູ່ກັບຄວາມແຂງແຮງຂອງນ້ຳອະສຸຈິຝ່າຍຊາຍນຳ ຫຼາຍຄົນອາດຄິດວ່າການດື່ມແອລກໍຮໍຫຼາຍ ຫຼື ສູບຢາຫຼາຍ ຈະເຮັດໃຫ້ນ້ຳອະສຸຈິບໍ່ແຂງແຮງ ແຕ່ມັນຍັງມີອີກຫຼາຍຢ່າງທີ່ເປັນການກະທຳທີ່ສ່ຽງຕໍ່ຄວາມແຂງແຮງຂອງອະສຸຈິ ຈະມີສິ່ງໃດແນ່ນັ້ນ ເຮົາໄປເບິ່ງກັນເລີຍ

1. ນຳໂທລະສັບມືຖືໃສ່ໃນຖົງໂສ້ງ

ການສັ່ນສະເທືອນ ແລະ ການແຜ່ລັງສີຂອງມືຖື ຜູ້ຊາຍມັກຈະເອົາໂທລະສັບມືຖືໃສ່ໃນຖົງໂສ້ງເປັນປະຈຳ ຈະສົ່ງຜົນໃຫ້ຫຼຸດຈຳນວນອະສູຈິຫຼາຍເຖິງ 9%

2. ອາກາດຮ້ອນ

ອຸນຫະພູມທີ່ອັນທະຜະລິດອະສຸຈິ ຄື ຕ່ຳກວ່າອຸນຫະພູມຮ່າງກາຍປະມານ 4 ອົງສາ ແຕ່ຖ້າຜູ້ຊາຍຢູ່ໃນບ່ອນທີ່ມີອາກາດຮ້ອນຫຼາຍ ແລະ ມີອຸນຫະພູມສູງເກີນໄປ ຈຳນວນອະສຸຈິກໍ່ຈະຫຼຸດລົງ

3. ນ້ຳໜັກຫຼາຍ

ຜູ້ຊາຍທີ່ເປັນໂຣກອ້ວນ ຫຼື ມີນ້ຳໜັກຫຼາຍເກີນໄປຈະເຮັດໃຫ້ການຜະລິດອະສຸຈິຫຼຸດລົງ

4. ການສູບຢາ

ການສູບຢາ ນອກຈາກຈະເຮັດໃຫ້ເສື່ອມສະມັດຕະພາບທາງເພດໄວແລ້ວ ຍັງເຮັດໃຫ້ການໄຫລວຽນຂອງເລືອດຫຼຸດລົງ ເຊິ່ງຈະມີຜົນຕໍ່ການຜະລິດອະສຸຈິອີກດ້ວຍ

5. ຄວາມຄຽດ

ຄວາມຄຽດຈະສົ່ງຜົນໃຫ້ຜູ່ຊາຍມີລະດັບຮໍໂມນ Testosterone ແລະ ຈຳນວນອະສຸຈິຫຼຸດລົງ ແລະ ຮວມໄປເຖິງການເສື່ອມສະມັດຕະພາບທາງເພດໄວຂຶ້ນ ແລະ ມີລູກຍາກ

6. ດື່ມເຄື່ອງດື່ມແອລກໍຮໍ

ຜູ້ຊາຍທີ່ດື່ມແອລກໍຮໍໃນປະລິມາຍຫຼາຍຕິດຕໍ່ກັນ 5 ວັນ ຈະມີຜົນເຮັດໃຫ້ອະສຸຈິບໍ່ແຂງຕົວ ມີນ້ຳອະສຸຈິໜ້ອຍລົງ ແລະ ຈຳນວນຕົວອະສຸຈິກໍ່ໜ້ອຍລົງດ້ວຍ

ທີ່ມາ: http://www.zestza.com/?p=3723