ເລື່ອງຫຍໍ້ ຮູບເງົາເລື່ອງ ອ້ອມກອດເຂມມະລາດ

ເປັນເລື່ອງລາວຄວາມຮັກອັນແສນງົດງາມຂອງໜຸ່ມສາວ 3 ຄູ່ ເຊິ່ງເກີດຂຶ້ນທີ່ແຄມຝັ່ງນ້ຳຂອງ ເລີ່ມດ້ວຍການເດີນທາງຈາກກຸງເທບ ເພື່ອມາເຮັດໜ້າທີ່ແພດໃນແຂວງອຸບົນຣາຊທານີຂອງ “ແພດຂັວນ” ຜູ້ເຕັມໄປດ້ວຍແຮງມຸ່ງໝັ້ນອັນມາຈາກແຮງບັນດານໃຈທີ່ມີຕໍ່ແມ່ນ້ຳຂອງ ແລະ ຕ້ອງຕໍ່ສູ້ກັບຄວາມກົດດັນ ກັບຄວາມປາຖະໜາໃຫ້ຊາວບ້ານທຸກຄົນໄດ້ຮັບການດູແລຈາກໂຮງໝໍຢ່າງເທົ່າທຽມກັນ ແລະ ນາງເອງກໍ່ໄດ້ພົບກັບ “ກ້ອງ” ໜຸ່ມຫລໍ່ເຈົ້າຂອງທຸລະກິດຮ້ານກາເຟ ແລະ ຣີສອດ ຊື່ວ່າ ພູຫົ່ມດາວຣີສອດ ນາງຫຼົງຮັກເຂົາເຂົ້າເຕັມໆ ໃນຂະນະທີ່ກ້ອງເອງພັດບໍ່ກ້າທີ່ຈະຕອບຮັບຄວາມຮັກຈາກນາງ ເພາະຍັງເຈັບປວດກັບຄວາມຮັກໃນຄັ້ງກ່ອນ ທາງດ້ານຂອງ “ກ້າວ” ນ້ອງຊາຍຂອງກ້ອງເອງກໍ່ມີ “ປຣາຍ” ເດັກສາວທີ່ຮຽນຢູ່ຊັ້ນດຽວກັນແອບໝາຍປອງຢູ່ເຊັ່ນດຽວກັນ ແລະ ກ້າວກໍ່ມັກຈະສະແດງຄວາມລຳຄານທຸກຄັ້ງເມື່ອຕ້ອງພົບໜ້ານາງ. ສ່ວນ “ເປ້ງ” ຜູ້ຈັດການຣີສອດຂອງກ້ອງກໍ່ຄິດມັກ “ພິມມະນີ” ສາວລາວທີ່ເຂົ້າມາຫາວຽກເຮັດໃນເຂັມມະລາດ ເພື່ອສົ່ງເງິນເມື່ອໃຫ້ຄອບຄົວຢ່າງໝົດຫົວໃຈ

ເຊິ່ງເລື່ອງນີ້ກໍ່ເປັນຮູບເງົາອີກເລື່ອງໜຶ່ງທີ່ເຊື່ອມສາຍສຳພັນລະຫວ່າງລາວ-ໄທ ເຊິ່ງຜູ້ກຳກັບ ແລະ ຜູ້ຂຽນເລື່ອງນີ້ແມ່ນ ນາຍແພດ ຣິດ ປົກກິດຕິຍະຫະຣິບູນ (นายแพด ริด ปกกิดติยะหะริบุน) ໂດຍປະເພດເລື່ອງແມ່ນອອກແນວ ດຣາມ່າ, ໂຣແມນຕິກ ເຊິ່ງນຳສະແດງໂດຍ: ກ໊ອບ ອານຸວັດ, ໝໍເພື່ອນ, ເຕົ໋າ ພູສິນ, ຟລຸດ ທິຣະພັດ, ພຸດທະສອນ ສີດາວັນ, ປລາມມີ ນັນທິຍາ,

ຮູບເງົາເຂົ້າສາຍໃນໂຮງຮູບເງົາຂອງປະເທດໄປເມື່ອວັນທີ 12 ພຶດສະພາ 2016 ທີ່ຜ່ານ ແລະ ເຂົ້າສາຍໂຮງຮູບເງົາບ້ານເຮົາແລ້ວເມື່ອວັນທີ 31 ພຶດສະພາ ຢູ່ໂຮງຮູບເງົາ ເມເຈີ ວຽງຈັນເຊັນເຕີ

ສຳລັບດາລາສາວລາວທີ່ໄປສະແດງຮູບເງົາຮ່ວມກັບໃນເລື່ອງ ອ້ອມກອດເຂມມະລາດ ແມ່ນສາວ ພຸດທະສອນ ສີດາວັນ ເຊິ່ງໃນເລື່ອງຮັບບົດເປັນ ພິມມະນີ