ສຳນັກຂ່າວຕ່າງປະເທດ ລາຍງານໃນວັນທີ 31 ພຶດສະພານີ້ວ່າ ຫວຽດນາມກຳລັງວາງແຜນ ໂຄງການຂະຫຍາຍ ສະໜາມບິນສາກົນໂນຍບ່າຍ ນະຄອນຫລວງຮ່າໂນ້ຍ ໃຫ້ມີຂີດຄວາມສາມາດເພີ່ມຂຶ້ນ 2 ເທົ່າ ໂດຍມີສັກກະຍະພາບ ໃຫ້ສາມາດຮອງຮັບຜູ້ໂດຍສານ 50 ລ້ານຄົນຕໍ່ປີ ພາຍໃນປີ 2030 ດ້ວຍມູນຄ່າລົງທຶນ 5.5 ຕື້ໂດລາ ຊຶ່ງໃນປັດຈຸບັນນີ້ ອາຄານຜູ້ໂດຍສານຫລັງທີ 2 ຂອງສະໜາມບິນດັ່ງກ່າວ ແມ່ນມີຂີດຄວາມສາມາດ ຮອງຮັບຜູ້ໂດຍສານໄດ້ເຖິງ 25 ລ້ານຄົນຕໍ່ປີ.

ທັງນີ້ ການຂົນສົ່ງໂດຍສານທາງອາກາດຂອງຫວຽດນາມ ໄດ້ຂະຫຍາຍຕົວສູງຂຶ້ນ 7.9% ໃນປີ 2015 ຜ່ານມາ ດ້ວຍຕົວເລກຜູ້ໂດຍສານເຖິງ 20.7 ລ້ານຄົນ, ໃນຂະນະທີ່ພຽງ 5 ເດືອນຕົ້ນປີ 2016 ນີ້ ຕົວເລກການຂະຫຍາຍຕົວ ໄດ້ເພີ່ມຂຶ້ນໄປເຖິງ 30.9% ດ້ວຍປະລິມານຜູ້ໂດຍສານ 17 ລ້ານຄົນ ຕາມການລາຍງານຂອງ ລັດຖະບານຫວຽດນາມ.

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!