ຂປລ. ສູນກາງແນວລາວສ້າງຊາດ ໄດ້ຈັດກິດຈະກຳ ສະຫລອງວັນເດັກນ້ອຍສາກົນ 1 ມິຖຸນາ ແລະ ວັນປູກຕົ້ນໄມ້ແຫ່ງຊາດ ໃນວັນທີ 28 ພຶດສະພາ 2016 ນີ້, ໂດຍມີທ່ານ ໄຊສົມພອນ ພົມວິຫານ ກຳມະການກົມການເມືອງສູນກາງພັກ, ເລຂາຄະນະພັກສູນກາງແນວລາວສ້າງຊາດ, ທ່ານ ພັນດວງຈິດ ວົງສາ ປະທານສູນກາງແນວລາວສ້າງຊາດ, ມີບັນດາຮອງປະທານ, ຫົວໜ້າກົມ,ຮອງກົມ ແລະ ບັນດາລູກຫລານພະນັງານ-ລັດຖະກອນ ອ້ອມຂ້າງສູນກາງແນວລາວສ້າງຊາດເຂົ້າຮ່ວມ.
ທ່ານນາງ ຄຳຈັນ ພົມແສງສະຫວັນ ຮອງປະທານສູນກາງແນວລາວສ້າງຊາດ, ໄດ້ຍົກໃຫ້ເຫັນເຖິງປະຫວັດຄວາມເປັນມາຂອງ ວັນເດັກນ້ອຍສາກົນ 1 ມິຖຸນາ ແລະ ວັນປູກຕົນໄມ້ແຫ່ງຊາດ ໂດຍທ່ານກ່າວວ່າ: ວັນທີ 1 ມິຖຸນາ ເປັນວັນທີ່ມີຄວາມໝາຍ, ຄວາມສຳຄັນທາງດ້ານປະຫວັດສາດ ກ່ຽວກັບສິດທິຂອງເດັກ ເຊິ່ງໄດ້ມີການສະເຫລີມສະຫລອງຢູ່ຫລາຍປະເທດ ຕາມເງື່ອນໄຂຕົວຈິງ. ສຳລັບ ສປປ ລາວ ພັກ-ລັດຖະບານ ກໍໄດ້ໃຫ້ຄວາມສຳຄັນ ໂດຍໄດ້ມອບໝາຍໃຫ້ອົງການກ່ຽວຂ້ອງ ຈັດກິດຈະກຳຕ່າງໆ ເພື່ອສະເຫລີມສະຫລອງໃນທຸກໆປີ ຈົນເຖິງບັນຈຸບັນ.
ໂອກາດດັ່ງກ່າວ, ທ່ານ ໄຊສົມພອນ ພົມວິຫານ, ພ້ອມຄະນະ ກໍໄດ້ມອບຂອງຂວັນ ໃຫ້ກັບຫລານນ້ອຍ, ລູກຫລານທີ່ເຂົ້າຮ່ວມງານ ແລະ ພ້ອມກັນປູກຕົ້ນໄມ້ ຢູ່ອ້ອມຂ້າງສູນກາງແນວລາວສ້າງຊາດ ຕຶກໃໝ່ຢ່າງເປັນຂະບວນຟົດຟື້ນ.
ແຫລ່ງຂ່າວ:
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!