ເນື່ອງຈາກໃນໄລຍະທີ່ຜ່ານມາບໍ່ດົນກະແສສັງຄົມອອນໄລນ໌ ໄດ້ພາກັນວິພາກວິຈານເລື່ອງຄ່າຊົມໃຊ້ກະແສໄຟຟ້າແພງຜິດປົກກະຕິຢ່າງຮ້ອນເດັດເຜັດມັນ ໃນໂອກາດດັ່ງກ່າວ ມີຜູ້ໃຊ້ເຟສບຸກຜູ້ໜຶ່ງຊື່ Toukta Dlvd ເຊິ່ງເຂົ້າໃຈວ່າເປັນເຟສບຸກຂອງ ນາງ ຕຸກຕາ ໄດ້ໂພສຂໍ້ຄວາມສວນກະແສ ດ້ວຍຖ້ອຍຄຳບໍ່ສຸພາບ ແລະບໍ່ເໝາະສົມ ຈາກນັ້ນຜູ້ຄົນໃນສັງຄົມອອນໄລນ໌ ໄດ້ພ້ອມກັນສະແດງຄວາມບໍ່ພໍໃຈຕໍ່ ການສະແດງຄຳເຫັນຂອງນາງຕຸກຕາ ຈົນເກີດກະແສຕໍ່ຕ້ານວິພາກວິຈານນາງຕຸກຕາທົ່ວສັງຄົມຕ່າງໆ ນານາ ແລະໃນທີ່ສຸດ ທ່ານ ຈັນດີ ພົມມະນີວົງ ຜູ້ເປັນພໍ່ຂອງນາງຕຸກຕາໄດ້ອອກມາຂໍໂທດຜ່ານສື່ສັງຄົມອອນໄລນ໌ ແທນລູກສາວຂອງຕົນ ພ້ອມວອນສັງຄົມໃຫ້ອະໄພຕໍ່ ການຮູ້ເທົ່າບໍ່ເຖິງການແລະຂາດສະຕິຂອງລູກສາວຂອງຕົນ.