ຂປລ. ລັດຖະບານ ກໍ​ຄື​ກະຊວງ​ ປ້ອງ​ກັນ​ປະ​ເທດ​ແຫ່ງ ສປ ຈີນ ​ໄດ້​ໃຫ້ການ​ຊ່ວຍ​ເຫລືອ ​ກໍ່ສ້າງ​ອາຄານ​ປິ່ນປົວ​ທົ່ວ​ໄປ ​ໂຮງໝໍ​ກອງທັບປະຊາຊົນ​ລາວ 103 ​ຫລັງ​ໃໝ່ ເປັນ​ອາຄານ​ 9 ຊັ້ນ ປະກອບ​ມີ​ຕຶກປິ່ນປົວທົ່ວ​​ໄປ ເນື້ອທີ່ 23,658 ຕາ​​ແມັດ, ຕຶກ​ອ້ອມ​ຂ້າງ​ 3 ຊັ້ນ; ຕຶກ​ສໍາລັບ​ຊ່ຽວຊານ​ຈີນ 2 ຊັ້ນ ລວມໃນ​ເນື້ອທີ່ທັງໝົດ 24,756 ຕາ​​ແມັດ ໂດຍແມ່ນກຸ່ມບໍລິສັດ ວິສະວະກໍາກໍ່ສ້າງ ຢຸນນານ ຈໍາກັດ ເປັນຜູ້ຮັບເໝົາ ຄາດວ່າຈະໃຫ້ສໍາເລັດ ໃນປີ 2017.

ພິທີວາງສີລາລຶກ ກໍ່ສ້າງ​ໂຄງການ ​ດັ່ງກ່າວ, ໄດ້ມີຂຶ້ນໃນວັນທີ 27 ພຶດສະພານີ້ ທີ່ໂຮງໝໍ 103 ໂດຍມີທ່ານ ພົນໂທ ຈັນສະໝອນ ຈັນຍາລາດ ລັດຖະມົນຕີ ກະຊວງປ້ອງກັນປະເທດ ແຫ່ງ ສປປ ລາວ ແລະ ທ່ານ ພົນເອກ ຊາງ​ ວ້ານ ສວນ ລັດຖະມົນຕີ​ ກະຊວງ​ປ້ອງ​ກັນ​ປະ​ເທດ ສປ ຈີນ, ທັງ​ເປັນ​ທີ່ປຶກ​ສາແຫ່ງ​ລັດ, ​ທ່ານ ກວນ ຮວາ ​ປິ່ງ ​ເອກ​ອັກຄະລັດຖະທູດ ​ວິສາມັນ​ຜູ້​ມີ​ອໍານາດ​ເຕັມ ​ແຫ່ງ ສປ ຈີນ ປະ​ຈໍາ ສປປ ລາວ, ມີ​ບັນດາຮອງ​ລັດຖະມົນ​ຕີ​ ຈຳນວນ​ໜຶ່ງ, ພ້ອມ​ດ້ວຍ​ເຈົ້າ​ໜ້າ​ທີ່​ ກ່ຽວຂ້ອງ​ສອງ​ຝ່າຍ​ເຂົ້າ​ຮ່ວມ.

ແຫລ່ງຂ່າວ:

ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!