ທີມນັກດັບເພີງເຂົ້າດັບໄຟທີ່ລຸກໄໝ້ບໍລິເວນເຄື່ອງຈັກຂອງເຮືອບິນສາຍການບິນໂຄຣຽນແອທີ່ທ່າອາກາດສະຍານຮາເນດະໃນນະຄອນຫຼວງໂຕກຽວຂອງຍີ່ປຸ່ນ.
ສະຖານີໂທລະພາບຍີ່ປຸ່ນອອກອາກາດສົດໃນມື້ນີ້ ມີລົດດັບເພີງຢ່າງໜ້ອຍ 2 ຄັນເຂົ້າມາຍັງຈຸດເກີດເຫດພ້ອມກັບພົ່ນໂຟມຂາວໄປຍັງບໍລິເວນເຄື່ອງຈັກດ້ານຊ້າຍຂອງເຮືອບິນ ຂະນະທີ່ມີຄວັນພຸ່ງອອກມາຈາກດ້ານຫຼັງ ໂດຍມີລາຍງານຄາດວ່າ ຜູ້ໂດຍສານ ແລະ ລູກເຮືອໄດ້ຮັບການອົບພະຍົບອອກມາຢ່າງປອດໄພ ອີກດ້ານມີພາບລາຍງານສົດກຸ່ມຄົນຈຳນວນຫຼາຍອອກມາຈາກທາງແລ່ນເຮືອບິນ ແລະ ມີການໃຊ້ທາງອອກສຸກເສີນຈາກປະຕູເຮືອບິນ ສື່ຍີ່ປຸ່ນລາຍງານວ່າ ເຮືອບິນສາຍການບິນໂຄຣຽນແອກຽມບິນຂຶ້ນຈາກສະໜາມບິນໂຕກຽວໃນຊ່ວງທີ່ເກີດເຫດດັ່ງກ່າວ.