ອາການຂອງໜິ້ວຖົງນ້ຳດີ ອາດຈະສະແດງ ຫຼື ບໍ່ສະແດງອາການກໍ່ໄດ້ ເຊິ່ງອາການຈະສະແດງແຕກຕ່າງກັນໄປ ແລ້ວແຕ່ຕຳແໜ່ງທີ່ໜິ້ວເກາະຢູ່ ໂດຍສ່ວນໃຫຍ່ແມ່ນຈະມີອາການທ້ອງອືດ ແໜ້ນທ້ອງ ໂດຍສະເພາະຫຼັງກິນອາຫານທີ່ມີໄຂມັນຫຼາຍ ຈະປວດທ້ອງມາຂ້າງຂວາເປັນບາງຄັ້ງຄາວ ຫຼື ປວດທ້ອງຮຸນແຮງ ແລະ ປວດໄປທາງຂ້າງຂວາ ບາງຄົນອາດມມີໄຂ້ສູງກະທັນຫັນ ແລະ ຖ້າມີການອັກເສບຖົງນ້ຳດີຢ່າງກະທັນຫັນ ຈະມີີອາການຕົວເຫຼືອງ, ຕາເຫຼືອງ ແລະ ປັດສະວະສີເຂັ້ມອີກດ້ວຍ

ສາເຫດຂອງການເກີດໜິ້ວໃນຖົງນ້ຳດີ ສາເຫດຫຼັກໆມີ 3 ຢ່າງຄື: ຄວາມອີ່ມຕົວຂອງນ້ຳດີ, ການບີບຕົວຂອງຖົງນ້ຳດີບໍ່ດີ ຫຼື ມີການອຸດຕັນຂອງຖົງນ້ຳດີ ແລະ ການຕິດເຊື້ອໃນຖົງນ້ຳດີ ນອກຈາກນັ້ນຍັງພົບວ່າປັດໄຈທີ່ກໍ່ໃຫ້ເກີດຄວາມສ່ຽງຕໍ່ການເກີດໜິ້ວຖົງນ້ຳດີ ນັ້ນ ຄືການມີໄຂມັນສູງໃນຮ່າງກາຍ, ບໍ່ວ່າຈະເປັນຍ້ອນຄວາມອ້ວນ, ການກິນອາຫານຈຳພວກໄຂມັນສູງ, ຫຼື ແມ່ຍິງທີ່ກິນຢາຄຸມກຳເນີດທີ່ມີສານຮໍໂມນເອສໂຕຣເຈນເຊິ່ງມີຜົນເພີ່ມປະລິມານໄຂມັນ ແລະ ຫລຸດການເຄື່ອນຕົວຂອງຖົງນ້ຳດີ ກໍ່ລ້ວນເປັນປັດໄຈສະໜັບສະໜູນໃຫ້ເກີດໜິ້ວໃນຖົງນ້ຳດີທັງນັ້ນ

ການຮັກສາໜິ້ວໃນຖົງນ້ຳດີຂັ້ນເບື້ອງຕົ້ນ ໜີ້ວໃນຖົງນ້ຳດີນັ້ນ ສ່ວນຫຼາຍຈະບໍ່ສະແດງອາການ ແລະ ບໍ່ມີຄວາມຮຸນແຮງ ການຮັກສາແມ່ນການຫລຸດອາຫານທີ່ມີໄຂມັນສູງ, ດື່ມນ້ຳລ້າຫຼາຍໆ, ຫລຸດນ້ຳໜັກ, ປ່ຽນວິທີຄຸມກຳເນີດ ເພື່ອບໍ່ໃຫ້ອາການເຮວຮ້າຍກວ່າເກົ່າ ເພາະຖົງນ້ຳດີບໍ່ສາມາດໃຊ້ຢາລະລາຍໄດ້ ແລະ ບໍ່ນິຍົມໃຊ້ຢາໃນການຮັກສາ ຫາກມີອາການຮ້າຍແຮງແມ່ນຈະຮັກສາດ້ວຍການຜ່າຕັດເທົ່ານັ້ນ