​ເຈົ້າ​ໜ້າ​ທີ່ ລາຍ​ງານ​ວ່າ ​ເກີດ​ແຜ່ນດິນ​ໄຫວ​ຂະໜາດ 5,5 ທາງ​ຝັ່ງ​ຂອງ​​ເກາະ​ຄຣີດ​ໃນ​ເກ​ຣກມື້​ນີ້ ຍັງ​ບໍ່ມີ​ລາຍ​ງານ​ຊັບ​ສິນ​ເສຍ​ຫາຍ.

ສະ​ຖາ​ບັນ​ຕິດ​ຕາມ​ຄວາມ​ເຄື່ອນ​ໄຫວ​ທາງ​ທໍລະນີ​ວິດ​ທະຍາ​ເອ​ເທ​ນສ໌ ຖະ​ແຫຼ​ງວ່າ ​ແຜ່ນດິນ​ໄຫວ​ຂຶ້ນ​ຫ່າງ​ໄປ​ປະມານ 31 ກິ​ໂລ​ແມັດ ທາງ​ຕາ​ເວັນ​ອອກສຽງ​ໃຕ້​ຂອງ​ເຂດ​ຊາຄຣອສ ​ແລະ ຢູ່​ເລິກ​ລົງ​ໄປ 10 ກິ​ໂລ​ແມັດ ປະຊາຊົນ​ເທິງ​ເກາະ​ຄຣີດກ່າວ​ກັບ​ຜູ້​ສື່​ຂ່າວ​ຜ່ານ​ທາງ​ໂທລະສັບ​ວ່າ ມີ​ແຮງ​ສັ່ນ​ສະ​ເທືອ​ນ ​ແຕ່​ບໍ​ໄດ້​ກິນ​ເວລາ​ດົນ ​ໂດຍ​ມີ​ຢູ່​ປະມານ 2-3 ວິນ​າທີ ທັງ​ນີ້ ​ເກ​ຣກຕັ້ງ​ຢູ່​ທາງ​ຕາ​ເວັນ​ອອກສຽງ​ໃຕ້​ສຸດ​ຂອງ​ເອີ​ຣົບ ​ແລະ ມັກ​ຜະ​ເຊີນ​ແຜ່ນດິນ​ໄຫວ​ຫຼາຍ​ຄັ້ງ ​ແຕ່​ສ່ວນ​ໃຫຍ່​ບໍ່​ມີ​ຄວາມ​ເສຍ​ຫາຍ​ຮ້າຍ​ແຮງ.