spot_img
Homeຂ່າວພາຍ​ໃນອຸທຸມພອນ ທຳລາຍສິນຄ້າເສື່ອມຄຸນ, ສິນຄ້າໝົດອາຍຸການນຳໃຊ້ ແລະ ສິນຄ້າ ນຳເຂົ້າບໍ່ຖືກຕາມລະບຽບກົດໝາຍ

ອຸທຸມພອນ ທຳລາຍສິນຄ້າເສື່ອມຄຸນ, ສິນຄ້າໝົດອາຍຸການນຳໃຊ້ ແລະ ສິນຄ້າ ນຳເຂົ້າບໍ່ຖືກຕາມລະບຽບກົດໝາຍ

Published on

ພິທີທຳລາຍສິນຄ້າເສື່ອມຄຸນະພາບ, ສິນຄ້າໝົດອາຍຸການນຳໃຊ້ ແລະ ສິນຄ້າຫ້າມຈຳໜ່າຍໄດ້ຈັດຂຶ້ນໃນວັນທີວັນທີ 11 ພຶດສະພາ 2016 ຢູ່ທີ່ເດີ່ນຫ້ອງວ່າການປົກຄອງເມືອງອຸທຸມພອນ ໂດຍພາຍໃຕ້ການເຂົ້າຮ່ວມຂອງທ່ານ ບຸນຍູ້ ທຳມະວົງ ເຈົ້າເມືອງໆອຸທຸມພອນ, ນອກນັ້ນ ກໍ່ມີບັນດາທ່ານ ຈາກພະແນກການ, ກົມກອງ, ຫ້ອງການ ທີ່ກ່ຽວຂ້ອງ ພ້ອມດ້ວຍແຂກທີ່ຖືກເຊີນເຂົ້າຮ່ວມເປັນສັກຂີພະຍານໃນຄັ້ງນີ້.

ຕາມການລາຍງານຂອງທ່ານ ຄຳພົງ ສຸລິເຍດ ຫົວໜ້າຫ້ອງການອຸດສາຫະກຳ ແລະການຄ້າປະຈຳເມືອງອຸທຸມພອນ ລາຍງານໃຫ້ຮູ້ວ່າ: ໃນຜ່ານມາ ທາງພະນັກງານວິຊາການຂອງພວກເຮົາ ໄດ້ຮ່ວມກັບຄະນະກຳມະການທີ່ກ່ຽວຂ້ອງ ໄດ້ພ້ອມກັນລົງກວດກາສິນຄ້າຢູ່ຕາມຮ້ານ ແລະຕາມທ້ອງຕະຫຼາດ ສາມາມາດກວດພົບ ແລະອາຍັດສິນຄ້າເສື່ອມຄຸນະພາບ, ສິນຄ້າໝົດອາຍຸການນຳໃຊ້ ແລະສິນຄ້ານຳເຂົ້າບໍ່ຖືກຕາມລະບຽບກົດໝາຍ ໄດ້ຫຼາຍລາຍການ. ໂດຍສິນຄ້າທີ່ນຳມາທຳລາຍໃນຄັ້ງນີ້ ແມ່ນສິນຄ້າທີ່ທາງຫ້ອງການອຸດສາຫະກຳ ແລະການຄ້າປະຈຳເມືອງອຸທຸມພອນ ອາຍັດມາໄດ້. ເຊິ່ງມີສິນຄ້າຫຼາຍລາຍການເປັນຕົ້ນ: ສິນຄ້າເກືອດຫ້າມ ປະເພດຈັກສະຕິນ ແລະອາໄລ່ຕ່າງໆທີ່ກ່ຽວ ຂ້ອງ ສິນຄ້າປະເພດເຄື່ອງດື່ມ, ສິນຄ້າປະເພດເຂົ້າໜົມ, ສິນຄ້າປະເພດເຄື່ອງສຳອາງ, ສິນຄ້າປະເພດປຸງແຕ່ງອາຫານ ແລະສິນຄ້າເຄື່ອງໃຊ້ໃນຄົວເຮືອນ, ລວມທັງໝົດ 63 ລາຍການ ມູນຄ່າ 28 ລ້ານກວ່າກີບ. ຈາກນັ້ນ ບັນດາທ່ານແຂກທີ່ຖືກເຊີນຈາກພາກສ່ວນຕ່າງໆກໍ່ໄດ້ຮ່ວມກັນທຳລາຍສິນຄ້າດັ່ງກ່າວ. ທັງນີ້ ກໍ່ເພື່ອບໍ່ໃຫ້ມີການນຳໄປຈຳໜ່າຍ ເພາະໃນເມື່ອມີການຮັບປະທານມັນຈະເປັນອັນຕະລາຍຕໍ່ສຸຂະພາບຂອງຜູ້ບໍລິໂພກ. ດັ່ງນັ້ນຈຶ່ງຮຽກຮ້ອງມາ ຍັງທຸກພາກສ່ວນທີ່ກ່ຽວຂ້ອງ ຄວນລະວັງ ເມື່ອພົບເຫັນໃຫ້ແຈ້ງເຈົ້າໜ້າທີ່ກ່ຽວຂ້ອງເພື່ອຈະໄດ້ລົງໄປກວດກາ ແລະມາທຳລາຍຖິ້ມ.

ຂ່າວຈາກ: Savanhphuttana News

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...