ອີງຕາມໜັງສືແຈ້ງການສະບັບເລັກທີ: 0961, ລົງວັນທີ 25 ພຶດສະພາ 2016 ເຊິ່ງມີເນື້ອໃນດັ່ງນີ້:
ລັດຖະມົນຕິ ກະຊວງພະລັງງານ ແລະ ບໍ່ແຮ່ ແຈ້ງມາຍັງທ່ານ ຜູ້ອຳນວຍການໃຫຍ່ລັດວິສາຫະກິດໄຟຟ້າລາວ ໃຫ້ຈັດຕັ້ງພະນັກງານ-ກຳມະກອນ ລົງກວດກາ, ເກັບກຳຂໍ້ມູນເຕັກນິກ ແລະ ສະພາບການໃຊ້ງານຂອງ ບັນດາໝໍ້ນັບໄຟທີ່ປະຊາຊົນຮຽກຮ້ອງມາໂດຍກົງ ຫຼື ຜ່ານສື່ ທີ່ຈົ່ມວ່າລາຄາໄຟຟ້າແພງໃນປັດຈຸບັນ ໃຫ້ລະອຽດເປັນລະບົບ ແລະ ຫາວິທີທາງທີ່ດີໃນການແນະນຳ, ອະທິບາຍ ແລະ ສ້າງຄວາມເຂົ້າໃຈ ໃນການຊົມໃຊ້ໄຟຟ້າໃຫ້ມີປະສິດທິຜົນ ແລະ ຖືກຕ້ອງຕາມມາດຕະຖານເຕັກນິກໄຟຟ້າລາວທີ່ກຳນົດໄວ້
