ກະສິກຳວັນນີ້ເຮົາຈະມາເວົ້າກ່ຽວກັບການປູກໝາກອຶ ທີ່ຈິງແລ້ວຂັ້ນຕອນການປູກໝາກອຶນັ້ນມັນບໍ່ແມ່ນເລື່ອງຍາກເລີຍ ແຕ່… ເຮົາຈະປູກແບບໃດໃຫ້ໄດ້ໝາກຫຼາຍ ເນື້ອແໜ້ນ ເຫັນແລ້ວຍາກກິນທັນທີ ນີ້ແຫຼະແມ່ນເລື່ອງຍາກ ວັນນີ້ພວກເຮົາເລີຍໄປຊອກຫາເຄັດລັບດັ່ງກ່າວມາເປີດເຜີຍໃຫ້ທຸກຄົນໄດ້ຮູ້ຈັກ ເຊິ່ງຈະເຮັດແນວໃດນັ້ນເຮົາມາອ່ານກັນເລີຍ
ວິທີການເຮັດໃຫ້ໝາກອຶຕິດໝາກ ແລະ ມີເນື້ອແໜ້ນ
ວັດຖຸດິບທີ່ຕ້ອງກຽມ
1. ນົມຜົງເດັກນ້ອຍ
2. ນ້ຳສະອາດ
ວິທີເຮັດ
– ເມື່ອປູກໝາກອຶໄດ້ປະມານ 1 ເດືອນແລ້ວ ໃຫ້ສັງເກດເບິ່ງຕົ້ນໝາກອຶທີ່ກຳລັງອອກດອກ
– ຫຼັງຈາກນັ້ນແມ່ນນຳນົມຜົງເດັກນ້ອຍ ໃນປະລິມານ 2 ບ່ວງແກງ ປະສົມກັບນ້ຳ 20 ລິດ
– ຄົນໃຫ້ນົມຜົງລະລາຍໃນນ້ຳໃຫ້ເຂົ້າກັນດີ
– ຈາກນັ້ນກໍ່ນຳໄປສີດໃສ່ທີ່ດອກໝາກອຶໃນຊ່ວງຕອນເຊົ້າທຸກເຊົ້າຈົນກວ່າໝາກຈະຕິດ ເພື່ອລໍ້ໃຫ້ແມງໄມ້ເຂົ້າມາຫຼາຍຕື່ມ ເພາະແມງໄມ້ຈະຊ່ວຍປະສົມເກສອນດອກໄມ້ ເຮັດໃຫ້ໝາກອຶຕິດໝ່ວຍທຸກດອກ
ເຫັນບໍ່ວ່າເຄັດລັບນີ້ບໍ່ຫຍຸ້ງຍາກຢ່າງທີ່ຄິດໄວ້ເລີຍ ຫາກທ່ານໃດກຳລັງປູກໝາກອຶຢູ່ກໍ່ສາມາດນຳສູດນີ້ໄປໃຊ້ເພື່ອເພີ່ມຜົນຜະລິດໃຫ້ທ່ານໄດ້
ທີ່ມາ: http://fb.thaiarcheep.com/