ຊຸດເຝິກອົບຮົມທັກສະການເກັບການຂໍ້ມູນເພື່ອຂຽນບົດວຽກດີຄົນເດັ່ນ ໃຫ້ສື່ມວນຊົນລາວໄດ້ສຳເລັດລົງ ໃນວັນທີ 23 ພຶດສະພານີ້ພາຍຫຼັງດຳເນີນມາ 5 ວັນ, ທີສະຖາບັນສື່ມວນຊົນ ແລະ ວັດທະນະທຳ, ໂດຍການຊ່ວຍເຫຼືອຂອງກະ ຊວງຖະແຫຼ່ງຂ່າວ ແລະ ສື່ສານ ສສ ຫຽວດນາມ, ເພື່ອແນ່ໃສ່ຍົກສູງລະດັບຄວາມ ຮູ້ຄວາມສາມາດ ແລະ ທັກສະໃນການເກັບກຳຂໍ້ມູນເພື່ອຂຽນບົດວຽກດີຄົນເດັ່ນ, ພ້ອມ ນັ້ນນັກສຳມະນາກອນຍັງໄດ້ຮຽນຮູ້ວິທີ່ເກັບກຳ ແລະ ຊອກຫາແຫຼ່ງຂໍ້ມູນ ຂ່າວສານ, ທັງໄດ້ລົງເລິກການພິຈາລະນາວິໄຈຂໍ້ມູນດັ່ງກ່າວ, ເພື່ອຂຽນບົດຕິດພັນກັບການເຄື່ອນໄຫວຕົວຈິງ ໃນວຽກງານ ສື່ມວນ ຊົນ, ໂດຍສະເພາະແມ່ນການເຄື່ອນໄຫວຂອງນັກຂ່າວ, ທີມີທັງຄວາມສະດວກ, ສິ່ງທ້າທາຍ  ແລະ ວິທີແກ້ໄຂທີ່ ຈະເຮັດໃຫ້ວຽກງານດຳເນີນໄປຢ່າງຄ່ອງຕົວ ແລະ ບັນລຸຕາມເປົ້າໝາຍ, ການເຝິກອົບຮົມຄັ້ງນີ້ນອກຈາກຮຽນທິດສະດີແລ້ວ ນັກສຳມະນາກອນຍັງໄດ້ລົງທັກສະນະສຶກສາເກັບກຳຂໍ້ມູນຢູ່ເຂດຊານເມືອງ, ນະຄອນຫຼວງວຽງຈັນເພື່ອຮ່ຳຮຽນເອົາປະສົບ ການຕົວຈິງ ແລະ ເຕັກນິກການເກັບກຳຂໍ້ມູນ, ທັງເປັນການເພີ່ມທັກສະໃນການຂຽນບົດຕົວຈິງ.

ທີ່ມາ http://laophatthananews.blogspot.com/2014/05/blog-post_3821.html