ພາຍຫລັງລັດຖະບານໄດ້ມີນະໂຍບາຍເປີດໂອກາດໃຫ້ນັກລົງທຶນເຂົ້າມາລົງທຶນກໍ່ສ້າງພື້ນ ຖານໂຄງລ່າງຂອງປະເທດໃນຮູບການລົງທຶນກ່ອນ ແລະ ເຫັນວ່າມີຫລາຍໂຄງການກໍສາມາດດຳເນີນໄປໂດຍດີ, ແຕ່ຄຽງຄູ່ກັນ ນັ້ນ ກໍມີບາງໂຄງການດຳເນີນໄປດ້ວຍຄວາມຊັກຊ້າ ແລະ ຂາດປະສິດທິຜົນ ໂດຍສະເພາະແມ່ນໂຄງການກໍ່ສ້າງເສັ້ນທາງຈັດ ຕັ້ງປະຕິບັດແບບຢຸດໆຢ່ອນໆ ແກ່ຍາວເວລາຫລາຍປີ ອັນໄດ້ສ້າງຄວາມເດືອດຮ້ອນໃຫ້ການສັນຈອນໄປມາຂອງປະຊາຊົນ ແລະ ສັງຄົມບໍ່ໜ້ອຍ ກໍ່ໃຫ້ເກີດມີຫາງສຽງຈົ່ມວ່າວິພາກວິຈານຕ່າງໆນາໆເກີດຂຶ້ນ, ແຕ່ຜູ້ຮັບເໝົາບໍ່ມີທ່າທີວ່າຈະຮີບຮ້ອນໃຫ້ສຳເລັດ ເຊິ່ງບັນຫາດັ່ງກ່າວນີ້ ພາກສ່ວນກ່ຽວຂ້ອງຕ້ອງໄດ້ເຂັ້ມງວດ ແລະ ມີມາດຕະການເດັດຂາດຕໍ່ບໍລິສັດຮັບເໝົາ, ຖ້າເຫັນວ່າບໍ່ມີຄວາມສາມາດແລ້ວກໍຕ້ອງຊອກວິທີແກ້ໄຂອື່ນໆໃຫ້ມີປະສິດທິຜົນ ເພື່ອເຮັດແນວໃດໃຫ້ຮັບປະກັນໄດ້ຄວາມເຊື່ອໝັ້ນ ຂອງສັງຄົມ ແລະ ເພື່ອການພັດ ທະນາປະເທດຊາດໄປຕາມທິດທາງທີ່ພັກ-ລັດກຳນົດໄວ້.
ທີ່ມາ http://laophatthananews.blogspot.com/2014/05/blog-post_4744.html