Homeມຸມຂ່າວ AECລັດຖະມົນຕີ​ ປ້ອງ​ກັນ​ປະ​ເທດ​ອາ​ຊຽນໄດ້​ຮັບ​ຮອງ​ເອົາຫລາຍບັນ​ຫາ​ສຳ​ຄັນ​ຮ່ວມ​ກັນ

ລັດຖະມົນຕີ​ ປ້ອງ​ກັນ​ປະ​ເທດ​ອາ​ຊຽນໄດ້​ຮັບ​ຮອງ​ເອົາຫລາຍບັນ​ຫາ​ສຳ​ຄັນ​ຮ່ວມ​ກັນ

Published on

ບັນ​ດາ​ລັດ​ຖະ​ມົນ​ຕີ​ປ້ອງ​ກັນປະ​ເທດ​ຂອງ​ອາ​ຊຽນເຫັນ​ດີ​ເປັນ​ເອ​ກະ​ພາບຮັບຮອງເອົາຂໍ້ກຳ ນົດວ່າ ດ້ວຍກອງກຳລັງກຽມພ້ອມຂອງອາຊຽນ ເພື່ອການຊ່ວຍເຫລືອດ້ານມະນຸດສະທຳ ແລະ ບັນເທົາທຸກໄພພິບັດ, ສູນແພດທະຫານອາຊຽນ ແລະ ເອກະສານແນວຄວາມຄິດກ່ຽວກັບການສ້າງຕັ້ງໜ່ວຍງານຜູ້ຊ່ຽວຊານທາງ ດ້ານຄວາມໝັ້ນຄົງທາງດ້ານອິນເຕີເນັດ ແລະ ອື່ນໆ ລະ​ຫວ່າງກອງປະຊຸມລັດຖະມົນຕີປ້ອງກັນປະເທດອາຊຽນ ຄັ້ງທີ X ໄດ້ໄຂຂຶ້ນ ໃນວັນທີ25 ພຶດສະພານີ້, ທີ່ນະຄອນຫລວງວຽງຈັນ ໂດຍມີທ່ານ ພົນໂທ ຈັນສະໝອນຈັນຍາລາດ ລັດຖະ ມົນຕີກະ ຊວງປ້ອງກັນປະເທດ ແຫ່ງ ສປປ ລາວ, ມີບັນດາລັດຖະ ມົນຕີປ້ອງກັນປະເທດອາຊຽນ,ຫົວໜ້າເຈົ້າໜ້າທີ່ອາວຸໂສ ແລະ ເຈົ້າໜ້າທີ່ກ່ຽວຂ້ອງ ທຸກຝ່າຍ ເຂົ້າຮ່ວມ.

ລະ​ຫວ່າງ​ດຳ​ເນີນກອງປະຊຸມດັ່ງກ່າວ ບັນ​ດາ​ລັດ​ຖະ​ມົນ​ຕີ​ປ້ອງ​ກັນປະ​ເທດ​ຂອງ​ອາ​ຊຽນໄດ້ຮັບຟັງການລາຍງານສະພາບການ ແລະ ບັນຫາທີ່ພົ້ນເດັ່ນ ໃນອາຊຽນ, ແລກ ປ່ຽນສະພາບການໃນພາກພື້ນ ແລະ ສາກົນ ພ້ອມພິຈາລະນາຮັບຮອງເອົາບັນດາເອກະສານທີ່ສຳຄັນ ທີ່ບັນດາປະເທດສະມາຊິກອາຊຽນໄດ້ສະເໜີ ລວ​ມ​ທັງໄດ້ ຮັບຮອງເອົາຂໍ້ກຳນົດວ່າດ້ວຍກອງກຳລັງກຽມ ພ້ອມຂອງອາຊຽນ ເພື່ອການຊ່ວຍເຫລືອດ້ານມະນຸດສະທຳ ແລະ ບັນເທົາທຸກໄພພິບັດ, ສູນແພດທະຫານອາຊຽນ ແລະ ເອກະສານ ແນວຄວາມຄິດກ່ຽວກັບການສ້າງຕັ້ງໜ່ວຍງາ ນຜູ້ຊ່ຽວຊານທາງດ້ານຄວາມໝັ້ນຄົງທາງດ້ານອິນເຕີເນັດ ແລະ ອື່ນໆ.

ທ່ານ  ພົນໂທ ຈັນສະໝອນ ຈັນຍາລາດ ໄດ້​ກ່າວວ່າ: ກອງປະຊຸມລັດຖະມົນຕີປ້ອງກັນປະເທດອາຊຽນໄດ້​ຈັດ​ຂຶ້ນ​ເປັນຄັ້ງທີ X ໂດຍ ສ​ປ​ປ ລາວ​ເປັນ​ເຈົ້າ​ ແລະ  ເປັນ​ຄັ້ງ​ທຳ​ອິດ​ທີ່​ພວກ​ເຮົາ​ຈັດ​ຂຶ້ນ​ໃນ​ຄັ້ງ​ນີ້ ເຊິ່ງເປັນໜຶ່ງໃນອົງປະກອບທີ່ສຳຄັນຂອງປະຊາຄົມການເມືອງ-ຄວາມໝັ້ນຄົງອາຊຽນ, ເຊິ່ງໄດ້ປະກອບສ່ວນຢ່າງຕັ້ງໜ້າ ເຂົ້າໃນການປົກປັກຮັກສາສັນຕິພາບ ແລະ ຄວາມໝັ້ນຄົງຂອງພາກພື້ນ, ເຮັດໃຫ້ພາກພື້ນມີຄວາມສະຫງົບ ແລະ ພັດທະນາຢ່າງຕໍ່ເນື່ອງ ພ້ອມນັ້ນ, ກອງປະຊຸມລັດຖະມົນຕີປ້ອງກັນປະເທດອາຊຽນ ໄດ້ມີຜົນສຳເລັດໃນການ ນຳເອົາບັນດາປະເທດ ໃນພາກພື້ນ ເຂົ້າມາຮ່ວມປຶກສາຫາລື ແລະ ຮ່ວມມືການ ເພື່ອສົ່ງເສີມຄວາມເຊື່ອໝັ້ນ ແລະ ຄວາມໄວ້ເນື້ອເຊື່ອໃຈ ເຊິ່ງກັນ ແລະ ກັນ ແນໃສ່ຮັບມືກັບສິ່ງທ້າທາຍຕໍ່ຄວາມໝັ້ນຄົງຢູ່ພາກພື້ນ ແລະ ອາຊຽນ.

ຂ່າວຈາກ: ລາວພັດທະນາ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...