ສຳລັບສາວໆໃນການເລືອກຮອງພື້ນມາໃຊ້ໃນການແຕ່ງໜ້ານັ້ນເປັນສິ່ງສຳຄັນຫຼາຍ ເພາະນອກຈາກຕ້ອງເລືອກສີຮອງພື້ນໃຫ້ເຂົ້າກັບສີຜີວໜ້າຕົນເອງແລ້ວ ຍັງຕ້ອງຮູ້ຈັກການເລືອກຮອງພື້ນທີ່ເໝາະກັບສະພາບຜິວຂອງຕົນເອງອີກ ເພື່ອເຮັດໃຫ້ການແຕ່ງໜ້າຂອງທ່ານນັ້ນອອກມາງາມຢ່າງໂດດເດັ່ນ
ຜິວມັນ ຄວນເລືອກຮອງພື້ນສູດ Oil-Free ທີ່ມີຄຸນສົມບັດຫລຸດຄວາມມັນເງົາ ຊ່ວຍໃຫ້ຄວບຄຸມຄວາມມັນ ແລະ ປົກປິດຮູຂຸມຂົນໄດ້ດີ
ຜິວປະສົມ ຄວນເລືອກຮອງພື້ນທີ່ໃຫ້ຄວາມຊຸ່ມຊື່ນກັບຜິວໄດ້ດີ ແລະ ເວລາທາຮອງພື້ນຄວນເໜັ້ນບໍລິເວນຜິວທີ່ແຫ້ງກວ່າບໍລິເວນທີ່ເປັນຜິວມັນ
ຜິວແຫ້ງ ຄວນເລືອກຮອງພື້ນທີ່ມີຄວາມຊຸ່ມຊື່ນ ແລະ ມີສ່ວນປະສົມຂອງວິຕາມິນ A ແລະ E ແລະ ຕ້ອງເປັນເນື້ອທີ່ບາງເບົາຈະເໝາະສົມທີ່ສຸດ
ພຽງໃສ່ໃຈໃນການເລືອກຜະລິດຕະພັນກ່ອນ ງ່າຍໆພຽງເທົ່ານີ້ກໍ່ຈະເຮັດໃຫ້ການແຕ່ໜ້າຂອງທ່ານອອກມາງາມໂດດເດັ່ນທີ່ສຸດໃນງານແລ້ວ