ທ່ານ ປະດິດ ວັນນະລັດສະໝີ ຫົວໜ້າພະແນກກະສິກຳ-ປ່າໄມ້ແຂວງຈຳປາສັກ ໃຫ້ສຳພາດວ່າ: ປີ 2016 ນີ້ ທົ່ວແຂວງຈຳປາສັກຈະປູກໄມ້ໃຫ້ໄດ້ 1.500 ເຮັກຕາ ເພື່ອເຮັດໃຫ້ເນື້ອທີ່ປ່າໄມ້ເພີ່ມຂຶ້ນ ປະກອບສ່ວນໃຫ້ມີເນື້ອທີ່ປ່າໄມ້ປົກຫຸ້ມທົ່ວປະເທດ 70% ໃນປີ 2020. ມາຮອດປັດຈຸບັນເກັບແກ່ນໄດ້ທັງໝົດ 1.600 ກ່ວາກິໂລກຼາມ, ຜະລິດເບ້ຍໄມ້ໄດ້ 1.200.000 ກ່ວາເບ້ຍ ສ່ວນໃຫຍ່ແມ່ນໄມ້ອຸດສາຫະກຳ ຮອງລົງມາແມ່ນໄມ້ປະດັບ.
ສຳລັບຜົນໄດ້ຮັບຈາກການປູກຕົ້ນໄມ້ໃນໄລຍະຜ່ານມາເຫັນວ່າຍັງບໍ່ທັນໄດ້ດີເທົ່າທີ່ຄວນ ຍ້ອນຂາດການບົວລະບັດຮັກສາ, ການມີສ່ວນຮ່ວມຂອງບັນດາອົງການຈັດຕັ້ງຕ່າງໆໃນສັງ ຕະຫຼອດຊຸມຊົນ ແລະ ປະຊາຊົນ ຍັງບໍ່ທັນໄດ້ດີ, ການຟື້ນຟູປ່າຍັງບໍ່ທັນໄດ້ຮັບການຈັດຕັ້ງປະຕິບັດຢ່າງຈິງຈັງ ບ່ອນປ່າທີ່ປູກແລ້ວກໍ່ໄດ້ຮັບຜົນກະທົບຈາກການພັດທະນາພື້ນຖານໂຄງລ່າງ, ນອກນີ້ກໍ່ຍັງມີການຫັນປ່ຽນທີ່ດິນປ່າໄມ້ ໄປເປັນດິນປະເພດອື່ນໆອີກ.
ໂດຍ: ທູນທອງໃຈ