ແມ່ທີ່ເກີດລູກໃໝ່ຫຼາຍຄົນອາດເກີດບັນຫາເລື່ອງນ້ຳນົມບໍ່ມາ ນົມມາໜ້ອຍ ວັນນີ້ພວກເຮົາມີເຄັດລັບດີໆມາຝາກ ເຮົາມາເບິ່ງກັນວ່າເຮັດແນວໃດຈິ່ງຈະໃຫ້ມີນ້ຳນົມຫຼາຍຂຶ້ນ
– ແມ່ຕ້ອງໃຫ້ລູກດູດນົມບໍ່ຄວນໜ້ອຍກ່ວາວັນລະ 8 ຄັ້ງຕໍ່ວັນ ຫຼື ບີບນ້ຳນົມອອກຈາກເຕົ້ານົມທກໆ 3 ຊົ່ວໂມງ
– ໃຊ້ຜ້າອຸ່ນໆປະຂົບທີ່ເຕົ້ານົມ 3-5 ນາທີ ກ່ອນໃຫ້ນົມລູກ ນວດເຕົ້ານົມ ແລະ ນ່ຽນຫົວນົມເບົາໆ ເພື່ອກະຕຸ້ນນ້ຳນົມ
– ຈັບລູກນ້ອຍໃຫ້ດູດນົມຢ່າງຖືກວິທີ ນັ້ນຄືການໃຫ້ລູກອົມຫົວນົມໃນເວລາດູດ
– ກິນອາຫານທີ່ມີປະໂຫຍດຄົບ 5 ໝູ່ ເພື່ອບຳລຸງຮ່າງກາຍຕະຫຼອດຈົນສາມາດຊ່ວຍກະຕຸ້ນນ້ຳນົມໃຫ້ລູກ
– ໃຊ້ວິທີຢອດນ້ຳລົງຊ້າໆຂ້າງໆເຕົ້ານົມໃນເວລາທີ່ລູກກຳລັງດູດນົມ ເມື່ອນ້ຳນົມຫຼາຍຂຶ້ນຈິ່ງຢຸດໃຊ້ວິທີນີ້
– ຫາກລູກນ້ອຍດູດນົມແລ້ວນອນລັບກ່ອນ ແມ່ຄວນກະຕຸ້ນໃຫ້ລູກດູດນົມຕໍ່ ໂດຍກາຍຫຍັບເຕົ້ານົມ ແລະ ບີບນ້ຳນົມເຂົ້າປາກລູກເປັຍໄລຍະໄລຍະ ຈົນກວ່າລູກຈະອື່ມ ແລະ ຄາຍປາກອອກເອງ
– ຄວນໃຫ້ລູກດູດນົມເລື່ອຍໆ ໃຫ້ດູດດົນໆ ຄັ້ງລະ ໂດຍພາຍໃນ 2-3 ວັນທຳອິດ ນ້ຳນົມກໍ່ຈະເພີ່ມຂຶ້ນຫຼາຍ
ຫາກຕອນນີ້ທ່ານໃດທີ່ກຳລັງພົບບັນຫານີ້ຢູ່ ລອງນຳວິທີທີ່ກ່າວມາຂ້າງເທິງນີ້ໄປໃຊ້ໄດ້ເດີ້
ທີ່ມາ: ວາລະສານບັນທຶກຂອງແມ່