ໃນ​ວັນ​ທີ 23 ພຶດສະພາ 2014 ຢູ່​ທີ່​ເດີນ​ກິລາ​ເມືອງ​ເຊ​ບັ້ງ​ໄຟ​ໄດ້​ມີ​ການ​ຈັດການ​ແຂ່ງຂັນ​ກິລາ​ມິດຕະພາບ​ລະຫວ່າງ​ພະ​ແນ​ກຖະ​ແຫຼ​ງຂ່າວ, ວັດທະນະທຳ ​ແລະ ທ່ອງ​ທ່ຽວ​ ​ແຂວງ​ຄຳ​ມ່ວນ ພົບກັບຫ້ອງ​ວ່າການ​ປົກຄອງ​ເມືອງ​ເຊ​ບັ້ງ​ໄຟ ​ໂດຍ​ການ​ເປັນ​ກຽດ​ເຂົ້າ​ຮ່ວມ​ມີການ​ນຳ​ຂັ້ນ​​ເມືອງ, ຫ້ອງການ​ສຶກສາທິການ ​ແລະ ກິລາ​ເມືອງ, ​ໂຮງຮຽນ ມໍ​ສໍ ອ້ອມ​ຂ້າງ​ເມືອງ​ເຂົ້າ​ຮ່ວມ.

​        ໃນ​ພິທີ​ດັ່ງກ່າວ​ໄດ້​ມີ​ການ​ແຂ່ງ​ຂັນ​ກິລາ​​ເຕະບານ ​ໂດຍ​ມີ 4 ທີ​ມ​ເຂົ້າ​ຮ່ວມ ຄື : ທີ​ມພະ​ແນ​ກ ຖວທ ​ແຂວງ​ຄຳ​ມ່ວນພົບ​ກັບທີ​ມຫ້ອງ​ວ່າການ​ປົກຄອງ​ເມືອງ​ເຊ​ບັ້ງ​ໄຟ ​ແລະ ທີ​ມຫ້ອງການ​ສຶກສາທິການ ​ແລະ ກິລາ​ເມືອງ​ເຊ​ບັ້ງ​ໄຟພົບ​ກັບທີ​ມລວມ​ໂຮງຮຽນ ມໍ​ສໍ ອ້ອມ​ຂ້າງ​ເມືອງ, ຜົນ​ການ​ແຂ່ງຂັນ​ທີ​ມຫ້ອງ​ວ່າການປົກຄອງ​ເມືອງ​ເຊ​ບັ້ງ​ໄຟ​ເອົາ​ຊະນະ​ທີ​ມພະ​ແນ​ກ ຖວທ ​ແຂວງ​ຄຳ​ມ່ວນ 3-1 ປະຕູ ແລະ ທີມລວມໂຮງຮຽນ ມໍສໍ ​ເອົາຊະນະທີມຫ້ອງການສຶກສາທິກາ​ນ ​ແລະ ກິລາເມືອງ 3-1 ປະຕູ ແຕ່ເຖິງຢ່າງໃດກໍ່ຕາມໃນການແຂ່ງຂັນຄັ້ງນີ້ຍັງໄດ້ສະແດງເຖິງຄວາມສາມັກຄີຮັກແພງປອງດອງກັນລະຫວ່າງແຂວງກັບເມືອງໄດ້ເປັນຢ່າງດີ.

ຂ່າວ : ​ເສີດ ​ໄຊ​ຍະ​ແສງ