spot_img
Homeຂ່າວທ້ອງຖິ່ນປີນີ້ເມືອງໄຊຍະບູລີ ມີແຜນຈະປູກໄມ້ໃຫ້ໄດ້ 22.300 ເບ້ຍ

ປີນີ້ເມືອງໄຊຍະບູລີ ມີແຜນຈະປູກໄມ້ໃຫ້ໄດ້ 22.300 ເບ້ຍ

Published on

ຂປລ. ​ ໃນ​ໂອກາດການ ສະເຫລີມສະຫລອງ ວັນສິ່ງແວດລ້ອມໂລກແລະ ວັນປູກຕົ້ນໄມ້ແຫ່ງຊາດ ທີ່ຈະມາເຖິງໃນມໍ່ໆນີ້, ​ເມືອງໄຊຍະບູລີ ​ແຂວງ​ໄຊ​ຍະ​ບູລີ ມີແຜນຈະປູກໄມ້​ ​ແລະ ຟື້ນຟູປ່າແບບທຳມະຊາດ ໃຫ້ໄດ້ 1.774 ​ເຮັກຕາເພີ່ມຂຶ້ນຈາກປີຜ່ານມາ 6 ​ເຮັກຕາ.

ທ່ານ​ ຄຳພັນ ພັນທະວົງ ຫົວໜ້າຫ້ອງການຊັບພະຍາກອນ ທຳມະຊາດແລະ ສິ່ງແວດລ້ອມເມືອງໄຊຍະບູລີໄດ້ໃຫ້ສຳພາດຕໍ່ຜູ້ສື່ຂ່າວ ​ເມື່ອ​ບໍ່​ດົນ​ນີ້ວ່າຕາມ​ແຜນການ​ໃນ​ປີ 2016 ນີ້ ​ເມືອງໄຊຍະບູລີ ຈະຟື້ນຟູປ່າແບບທຳມະຊາດໃຫ້ໄດ້ໃນເນື້ອທີ່ 1.700 ​ເຮັກຕາແລະ ປູກໄມ້ໃຫ້ໄດ້ 74 ​ເຮັກຕາໃນຈຳນວນ​​ເບ້ໄມ້ 22.300 ​ເບ້ຍ ທີ່ໄດ້ຮັບການປະກອບສ່ວນ ຈາກພາກສ່ວນທຸລະກິດແລະ ຜູ້ປະກອບການຕ່າງໆ ຢູ່ພາຍໃນເມືອງ​. ຄາດ​ວ່າພິທີປູກ ທາງການຈະໄດ້ຈັດຂຶ້ນໃນວັນທີ 1 ມິຖຸນາທີ່ສວນອຸດທິຍານຊາວໜຸ່ມ (ຫລັກ 7) ​ເມືອງໄຊຍະບູລີ, ສ່ວນເບ້ຍໄມ້ທີ່ຈະນຳມາປູກ ປະກອບມີ: ​​ໄມ້​​ແຕ້ຄ່າ 2.000 ​ເບ້ຍ,​​ ໄມ້ສັກ 20.000 ​ເບ້ຍແລະໄມ້ປະດັບ 300 ​ເບ້ຍ.

ສ່ວນ​ຢູ່​ເມືອງ​ທ່າ​ແຕງ ​ແຂວງ​ເຊ​ກອງ ກໍມີ​ແຜນ​ຈະ​ປູກຕົ້ນ​ໄມ້​ ໃຫ້​ໄດ້ 150 ຕົ້ນ, ໃນນັ້ນ ມີຕົ້ນໄມ້ຍາງ, ຕົ້ນໄມ້ດູ່, ຕົ້ນໄມ້ຂະຍຸງ, ຕົ້ນໄມ້ແຄນ ແລະ ຕົ້ນໄມ້ອື່ນໆ.

ຂະນະ​ດຽວ​ກັນ, ພະແນກຖະແຫລງຂ່າວ, ວັດທະນະທຳ ແລະ ທ່ອງທຽ່ວ ແຂວງສາລະວັນ ກໍ​ໄດ້ສ້າງຂະບວນການ ປູກເບ້ຍໄມ້ໃຫ້ຮົ່ມ ແລະ ໄມ້ໃຫ້ໝາກ ​ໃນ​ນັ້ນມີໄມ້ຂະຍຸງ 50 ຕົ້ນ ແລະ ໝາກມ່ວງ ພັນຂຽວ ສະເຫວີຍ 20 ຕົ້ນ ​ເພື່ອຄຳນັບຮັບຕ້ອນ ວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ 2016 ນີ້.

 

ແຫລ່ງຂ່າວ:

ຂປລ

ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!

ບົດຄວາມຫຼ້າສຸດ

ສົມເດັດພະເທບ ຢ້ຽມຢາມໂຮງຮຽນວັດທະນະທໍາປ້ອງກັນຄວາມສະຫງົບ ທີ່ແຂວງວຽງຈັນ.

ສົມເດັດພະກະນິດຖາທິຣາດເຈົ້າ ກົມສົມເດັດພະເທບພະຣັດຣາດສຸດາ ສະຫຍາມບໍຣົມມະຣາດຊະກຸມາຣີ ແຫ່ງຣາຊະອານາຈັກໄທ ຢ້ຽມຢາມໂຮງຮຽນວັດທະນະທໍາ ປກສ ຕອນບ່າຍວັນທີ 23 ເມສາ 2025 , ສົມເດັດພະກະນິດຖາທິຣາດເຈົ້າ ກົມສົມເດັດພະເທບພະຣັດຣາດສຸດາ ສະຫຍາມບໍຣົມມະຣາດຊະກຸມາຣີ ແຫ່ງ...

ພິທີເຄື່ອນຍ້າຍອັດຖິຂອງ ສະຫາຍ ພົນເອກ ຄໍາໄຕ ສີພັນດອນ

ເຄື່ອນຍ້າຍອັດຖິ ພົນເອກ ຄຳໄຕ ສີພັນດອນ ໄປສະຖິດຢູ່ ສຸສານນັກຮົບປະຕິວັດແຫ່ງຊາດ ພິທີເຄື່ອນຍ້າຍອັດຖິຂອງ ສະຫາຍ ພົນເອກ ຄໍາໄຕ ສີພັນດອນ ອະດີດປະທານຄະນະບໍລິຫານງານສູນກາງພັກ, ອະດີດປະທານປະເທດ ແຫ່ງ ສາທາລະນະລັດ...

ມອບ-ຮັບງົບປະມານ ໃນການສ້ອມແປງເສັ້ນທາງ 16B ໄລຍະທາງ 8 ກິໂລແມັດ

ກຽມສ້ອມແປງເສັ້ນທາງ 16B ດ້ວຍງົບປະມານມູນຄ່າ 445.053,17 ໂດລາສະຫະລັດ ໃນວັນທີ 22 ເມສາ ນີ້ ທີ່ຫ້ອງປະຊຸມ ພະແນກໂຍທາທິການ ແລະ ຂົນສົ່ງແຂວງເຊກອງ ໄດ້ມີພິທີມອບ-ຮັບງົບປະມານ ໃນການສ້ອມແປງເສັ້ນທາງ...

ກອງປະຊຸມສະຫຼຸບວຽກງານຮອບດ້ານ ປະຈຳປີ 2024 ແລະ ທິດທາງແຜນວຽກງານຈຸດສຸມ ປີ 2025.

ຫສນຍ ຈັດກອງປະຊຸມສະຫຼຸບວຽກງານຮອບດ້ານ ປະຈຳປີ 2024 ແລະ ທິດທາງແຜນວຽກງານຈຸດສຸມ ປີ 2025. ໃນຕອນເຊົ້າວັນທີ 21 ເມສາ 2025 ທີ່ຫ້ອງວ່າການສໍານັກງານນາຍົກລັດຖະມົນຕີ (ຫສນຍ) ໄດ້ຈັດກອງປະຊຸມສະຫຼຸບການນໍາພາ-ຊີ້ນໍາວຽກງານຮອບດ້ານ...