ເດັກນ້ອຍປະຖົມຢູ່ອາເມລິກາທີ່ຮ່ວມກັນປະກອບດາວທຽມCubeSat(ຄິວແຊດ) ນັບເປັນການປ່ອຍດາວທຽມດວງທຳອິດທີ່ອອກແບບ ແລະ ສ້າງເອງໂດຍເດັກນ້ອຍນັກຮຽນປະຖົມຂຶ້ນສູ່ວົງໂຄຈອນສຳເລັດ.
ເດັກນັກຮຽນຊັ້ນປະຖົມຈາກໂຮງຮຽນເຊນ ໂທມັສ ມໍ ແຄທເທີຣັລ ໃນລັດເວີຈິເນຍຂອງອາເມລິກາ ໄດ້ປະສົບຄວາມສຳເລັດໃນການທີ່ເປັນເດັກນັກຮຽນປະຖົມແຫ່ງທຳອິດຂອງໂລກທີ່ສາມາດຊ່ວຍກັນປະກອບ ແລະ ສົ່ງດາວທຽມໄດ້ສຳເລັດຊື່ວ່າດາວທຽມຄິວແຊດ ອອກແບບ ແລະ ສ້າງເອງໂດຍຝີມືຂອງເດັກນ້ອຍຖືກປ່ອຍຂຶ້ນສູ່ວົງໂຄຈອນລະດັບ 400 ກິໂລແມັດເທິງພື້ນໂລກໃນທ້າຍອາທິດທີ່ຜ່ານມາ. ຊຶ່ງໂຄງການນີ້ໄດ້ຮັບການສະໜັບສະໜູນຈາກອົງການາຊາໃຫ້ຄວາມຊ່ວຍເຫຼືອດ້ວຍການສົ່ງຜູ້ຊ່ຽວຊານຊ່ວຍແນະນຳໃນເລື່ອງຂອງການອອກແບບ ແລະ ປະກອບດາວທຽມ ຫຼັງຈາກທີ່ປະກອບສຳເລັດກໍ່ໄດ້ຮັບອະນຸຍາດໃຫ້ສົ່ງດາວທຽມຈາກສະຖານີອະວະກາດນານາຊາດ ເພື່ອເຮັດພາລະກິດຖ່າຍພາບຕໍ່ໄປ ແລະ ຫຼັງຈາກນີ້ເດັກນ້ອຍກໍຈະໄດ້ເຝົ້າຕິດຕາມຕຳແໜ່ງຂອງຄິວແຊດທີ່ຈະເຮັດໜ້າທີ່ຖ່າຍຮູບພື້ນໂລກສົ່ງກັບທຸກ 30 ວິນາທີ ໂຄງການນີ້ໃຊ້ເວລາທັງໝົດ 4 ປີ ປະສົບຜົນສຳເລັດຢ່າງຈົບງາມ.
ຢ່າງໃດກໍຕາມ ຕ້ອງຊື່ນຊົມນາຊາທີ່ໃຫ້ຄວາມສຳຄັນມອບຄວາມຮູ້ ແລະ ມອບປະສົບການໃຫ້ກັບເດັກນ້ອຍ ທີ່ຈະເປັນແຮງບັນດານໃຈ ຊຶ່ງຈະເຮັດໃຫ້ເດັກນ້ອຍນັກຮຽນຕັ້ງໃຈຮຽນ ແລະ ກາຍເປັນນັກວິທະຍາສາດໃນອະ ນາຄົດຕໍ່ໜ້າ(ຕາມຂ່າວຕ່າງປະເທດ).
ທີ່ມາ: ເສດຖະກິດ-ສັງຄົມ