ວັນທີ 19 ພຶດສະພາ ຜ່ານມາເຈົ້າໜ້າທີ່ ປກສ ເມືອງຈັນທະບູລີ ນະຄອນຫຼວງວຽງຈັນໄດ້ຖະແຫຼງການກ່ຽວກັບຜົນການມ້າງກຸ່ມລັກຊັບພົນລະເມືອງ (ລັກລົດຈັກ) ຊຶ່ງມີລາຍລະອຽດຄື: ເລີ່ມແຕ່ວັນທີ 26 ພະຈິກ 2015 ເປັນຕົ້ນມາ, ສາມາດຈັບກຸມແກ້ງລັກລົດໄດ້ 2 ກຸ່ມຄື:ກຸ່ມທີ 1 ກັກຜູ້ຖືກຫາໄດ້ 12 ຄົນ, ສາມາດເກັບກູ້ຂອງກາງໄດ້ ລົດຈັກ 10 ຄັນ, ກຸ່ມທີ 2 ກັກຜູ້ຖືກຫາໄດ້ 8 ຄົນ, ເກັບກູ້ຂອງກາງໄດ້ ລົດຈັກ 11 ຄັນ, ລວມ 2 ກຸ່ມ ກັກຜູ້ຖືກຫາໄດ້ທັງໝົດ 20 ຄົນ, ສາມາດເກັບກູ້ຂອງກາງລົດຈັກໄດ້ທັງໝົດ 21 ຄັນ).
ສຳລັບ ກຸ່ມທີ 1 ມີ ທ້າວ ພຸດຕີ້ ອາຍຸ 26 ປີ, ທ້າວ ແອນ້ອຍ(ເປດ) ອາຍູ 33 ປີ, ທ້າວ ວິລະພົນ ຍົດລືໄຊ ອາຍຸ 18 ປີ, ທ້າວ ສົມເພັດ ຈັນທະວົງ ອາຍຸ 30 ປີ, ທ້າວ ຈ່ອຍ ຄູນມີໄຊ ອາຍຸ 20 ປີ, ທ້າວ ຄຳພຽນ( ເປົ້າ) ອາຍຸ 20 ປີ, ທ້າວ ພູເຂົາຄຳ(ແຫຼ້) ອາຍຸ 19 ປີ, ທ້າວ ແສງຈັນ ວັນທານຸວົງ ອາຍຸ 20 ປີ, ທ້າວ ວີລະຊາດ ອາຍຸ 36 ປີ, ທ້າວ ພອນສະ ຫວັນ ໄຊປັນຍາ ອາຍຸ 31 ປີ, ທ້າວ ອາ ລຸນ ເກດສີທອງ ອາຍຸ 24 ປີ ແລະທ້າວ ສີລາ ທອງຈັນມາ ອາຍຸ 25 ປີ.
ກຸ່ມທີ 2 ມີ ທ້າວ ຄຳເພັດ ສິດທິລາດ ອາຍຸ 17 ປີ, ທ້າວ ຫັດສະດີ(ລັ່ງ) ອາຍຸ 15 ປີ, ທ້າວອາພາກອນ (ລີ້) ອາຍຸ 15 ປີ, ທ້າວ ກີຕ້າ ອາຍຸ 18 ປີ, ທ້າວ ວົງ ພະຈັນ ອາຍຸ 19 ປີ, ທ້າວ ຄູນສະຫວັດ ອາຍຸ 18 ປີ, ທ້າວ ເອກະພົນ ອາຍຸ 15 ປີ ແລະທ້າວ ໂຊ ພິດາວົງ ອາຍຸ 21 ປີ.
ຜ່ານການດຳເນີນຄະດີຂອງເຈົ້າໜ້າ ທີ່ສາມາດເກັບກູ້ຂອງກາງຄະດີປະເພດ ລົດຈັກ ໄດ້ທັງໝົດ 21 ຄັນ, ປະຈຸບັນໄດ້ ມີຜູ້ເສຍຫາຍໄດ້ນຳເອົາເອກະສານລົດ ເຂົ້າມາແຈ້ງຕໍ່ເຈົ້າໜ້າທີ່ແລ້ວຈຳນວນ 17 ຄັນ, ຜ່ານການກວດສອບເອກະສານລົດທີ່ເຈົ້າຂອງຊັບເອົາມາແຈ້ງຕໍ່ເຈົ້າໜ້າທີ່ນັ້ນຖືກຕ້ອງຕາມກົດໝາຍ ແລະເຫັນ ຄວນມອບຄືນໃຫ້ເຈົ້າຂອງຊັບເດີມເພື່ອເອົາໄປນຳໃຊ້ໃນຄອບຄົວ ແລະໜ້າທີ່ວຽກງານ, ສ່ວນລົດຄັນທີ່ເຈົ້າຂອງຊັບ ຍັງບໍ່ທັນເຂົ້າມາແຈ້ງນັ້ນແມ່ນຈະສືບຕໍ່ຊອກຫາເຈົ້າຂອງຊັບເພື່ອມອບຄືນໃຫ້ ເຈົ້າຂອງຊັບເດີມ, ສ່ວນເປົ້າໝາຍທີ່ຖືກຊັດທອດຈາກຄະດີດັ່ງກ່າວ ແມ່ນສືບຕໍ່ນຳຊອກ, ນຳຈັບມາດຳເນີນຄະດີຕາມ ລະບຽບກົດໝາຍ, ສ່ວນຂອງກາງຄະດີທີ່ເກັບກູ້ຍັງບໍ່ທັນໄດ້ ທາງກອງວິຊາສະເພາະຈະສືບຕໍ່ນຳເກັບກູ້ເຄື່ອງຂອງກາງເພື່ອມາມອບໃຫ້ຜູ້ເສຍຫາຍຕໍ່ໄປ.
ທີ່ມາ: 