ງານສະແດງສີລະຫວຽດນາມ ເພື່ອເຫລີມສະຫລອງ ວັນຄ້າຍວັນເກີດປະທານໂຮ່ຈິ່ມິນ ຄົບຮອບ 126 ປີ (19/5/1890-19/5/2016), ໄດ້ຈັດຂຶ້ນໃນຄ່ຳຄືນຂອງວັນທີ 19 ພຶດສະພານີ້, ທີ່ຫໍວັດທະນະ ທຳແຫ່ງຊາດ, ໂດຍການໃຫ້ກຽດເຂົ້າຮ່ວມຂອງທ່ານ ສະຫວັນຄອນ ລາຊະມຸນຕີ ຮອງລັດຖະມົນຕີ ກະ ຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ທ່ານ ຮວ່າງ ຊວນ ຫາຍ ອັກຄະລັດຖະທູດຫວຽດ ນາມ ປະຈຳລາວ ພ້ອມມວນຊົນເຂົ້າຮ່ວມຢ່າງຫລວງຫລາຍ.
ການສະແດງສີລະປະດັ່ງກ່າວ, ໄດ້ປະສົມປະສານລະຫວ່າງ ວັດທະນະທຳລາວ ແລະ ຫວຽດ ນາມ ເຂົ້າກັນ ໂດຍຜ່ານສຽງເພງ ແລະ ບົດຟ້ອນອັນອ່ອນຊ້ອຍງົດງາມ, ສ້າງຄວາມປະທັບໃຈແກ່ຜູ້ຊົມເປັນ
ຢ່າງຍິ່ງ ເກືອບ 20 ລາຍການ, ເຊິ່ງສ່ວນໃຫຍ່ໄດ້ສ່ອງແສງໃຫ້ເຫັນເຖິງຄວາມຮັກ, ຄວາມເຄົາລົບຂອງປະຊາຊົນສອງຊາດລາວ-ຫວຽດນາມ ທີ່ມີຕໍ່ປະທານໂຮ່ຈິ່ມິນ ແລະ ການສ້າງສາພັດທະ ນາປະເທດຊາດ ພ້ອມນັ້ນ ຍັງເປັນການແລກປ່ຽນສິລະປະວັດທະນະທຳ ລະຫວ່າງສອງປະເທດ, ເພື່ອເພີ່ມທະວີຮັດແໜ້ນການພົວພັນຮ່ວມມືຢ່າງຮອບດ້ານລະຫວ່າງປະຊາຊົນສອງຊາດ ລາວ-ຫວຽດ ນາມ ໃຫ້ນັບມື້ແຕກດອກອອກຜົນຫງອກງາມຍິ່ງຂຶ້ນ.
ຂ່າວຈາກ: ລາວພັດທະນາ