spot_img
Homeຂ່າວທ້ອງຖິ່ນໄດ້ແລ້ວ ຜູ້ມີສີມືດີເດັ່ນຂອງລາວ ເພື່ອເຂົ້າຮ່ວມແຂ່ງຂັນສີມືແຮງງານອາຊຽນ ທີ່ມາເລເຊຍ

ໄດ້ແລ້ວ ຜູ້ມີສີມືດີເດັ່ນຂອງລາວ ເພື່ອເຂົ້າຮ່ວມແຂ່ງຂັນສີມືແຮງງານອາຊຽນ ທີ່ມາເລເຊຍ

Published on

ວັນທີ 21 ພຶດສະພານີ້, ກະຊວງແຮງງານ ແລະ ສະຫວັດດີການສັງຄົມ, ໄດ້ຈັດພິທີປະກາດຜົນການແຂ່ງຂັນສີມືແຮງງານ ລະດັບຊາດ ຄັ້ງທີ 2, ຢູ່ສູນພັດທະນາສີມືແຮງງານ ເວດສະພົງ, ນະຄອນ ຫລວງວຽງຈັນ, ໂດຍການໃຫ້ກຽດເຂົ້າຮ່ວມຂອງທ່ານ  ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ.

ທ່ານຫົວໜ້າສູນພັດທະນາສີມືແຮງງານດັ່ງກ່າວ ລາຍງານວ່າ: ຜູ້ທີ່ຊະນະເລີດໄດ້ຮັບຫລຽນຄຳຈາກການແຂ່ງຂັນໃນ 9 ສາຂາອາຊີບປະກອບມີ: ຊ່າງກໍ່, ຊ່າງໄມ້ເຄື່ອງ ເຮືອນ, ຊ່າງຕັດຫຍິບ ເຄື່ອງນຸ່ງແມ່ຍິງ, ຊ່າງຕິດຕັ້ງໄຟຟ້າໃນອາຄານ, ຊ່າງປຸງແຕ່ງ ອາຫານ, ອອກແບບໜ້າເວບໄຊ, ຊ່າງຈອດ,ເຕັກໂນໂລຊີລົດຍົນ ແລະ ອອກແບບກຣາ ຟິກ. ລວມມີ 15 ຄົນ ເພື່ອກຽມເຂົ້າແຂ່ງຂັນສີມືແຮງງານດີເດັ່ນອາຊຽນຄັ້ງທີ 11 ເຊິ່ງຈະມີຂຶ້ນໃນມາເລເຊຍນັ້ນ ຈະໄດ້ເຂົ້າຮ່ວມການຝຶກອົບຮົມຕົນເອງຕື່ມ ສຳລັບຄວາມພ້ອມຕ່າງໆ, ນັບທັງຜູ້ມີຄວາມຮູ້ ຄວາມສາມາດ ເພື່ອເຂົ້າຮ່ວມການແຂ່ງຂັນໃນລະດັບສາກົນຄັ້ງນີ້ມີຜົນສຳເລັດ.

ໃນໂອກາດນີ້, ທ່ານລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໄດ້ມີຄຳເຫັນວ່າ: ຜູ້ທີ່ຊະນະເລີດການແຂ່ງຂັນໃນຄັ້ງນີ້ ແມ່ນຜູ້ທີ່ມີຄະແນນສູງສຸດ ແລະ ປະຕິບັດວຽກງານຂອງຕົນຢ່າງລະອຽດອ່ອນ ແລະ ໄດ້ກາຍເປັນຕົວແທນຂອງຄົນລາວທັງປະເທດເຂົ້າຮ່ວມແຂ່ງຂັນລະດັບອາຊຽນຄັ້ງນີ້ ໃຫ້ໄດ້ດັ່ງປະສົງ ດັ່ງນັ້ ກໍຂໍຮຽກຮ້ອງໃຫ້ຜູ້ຈະເຂົ້າຮ່ວມແຂ່ງຂັນດັ່ງກ່າວ ຈົ່ງຕັ້ງໃຈຮ່ຳຮຽນ ແລະ ຝຶກຝົນຫລໍ່ຫລອມຕົນເອງໃຫ້ດີ ເພື່ອສາມາດຍາດໄດ້ຜົນສຳເລັດທີ່ໜ້າພາກພູມໃຈດັ່ງກ່າວ.

 

ຂ່າວຈາກ: ລາວພັດທະນາ

ບົດຄວາມຫຼ້າສຸດ

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...